තලේබාන් සංවිධානය පකිස්තානය සතු න්යෂ්ටික අවි අත්කර ගැනීමේ අවදානම නොතකා හැරිය නොහැකි කරුණක් බව ඇමරිකා එක්සත් ජනපදයේ හිටපු ආරක්ෂක උපදේශකයෙකු වන ජෝන් බෝල්ටන් පවසයි.
ඇමරිකාවේ හිටපු ජනාධිපති ඩොනල්ඩ් ට්රම්ප්ගේ ආරක්ෂක උපදේශකවරයකු ලෙස කටයුතු කළ ජෝන් බෝල්ටන් මෙම අදහස් පළකර ඇත්තේ එරට මාධ්ය සමග සම්මුඛ සාකච්ඡාවකට එක්වෙමිනි.
තලේබාන් සංවිධානය ඉතා කෙටි කාලයක් තුළ ඉතා වේගයෙන් ඇෆ්ගනිස්තානයේ බලය තහවුරු කරගත් බව ජොන් බෝල්ටන් පෙන්වා දෙනවා.
ඔහු සදහන් කරන්නේ තලේබාන්වරුන්ට හෝ ඔවුන්ගේ මතය දරන හිතවත් සංවිධානයකට මේ අන්දමට පකිස්තානය තුළ වුවද බලය තහවුරු කර ගැනීමට ඉඩ ඇති බව අමතක නොකළ යුතු බවයි.
එසේ වුවහොත් පකිස්තානය සතු න්යෂ්ටික අවි 150 ක් පමණ තලේබාන්වරුන් සතු විය හැකි බවට වන අවදානම බැහැර නොකරන ලෙස ජෝන් බෝල්ටන් ලෝකයෙන් ඉල්ලා සිටිනවා.