තමන් කඩිනමින්ම ඇෆ්ගනිස්තානයේ බලය යළි අල්ලා ගන්නා බවට තලේබාන් සංවිධානය ප්රකාශ කර තිබේ.
එහි ප්රාදේශීය නායකයන් කණ්ඩායමක් අන්තර්ජාතික මාධ්ය වෙත සදහන් කර ඇත්තේ දැනටමත් ඒ සදහා සැලසුම් සකස් කර ඇති බවයි.
ඇමරිකානු හමුදා සැප්තැම්බර් මාසයේදී මුලුමනින්ම ඇෆ්ගනිස්තානයෙන් ඉවත් කර ගැනීමට නියමිතයි.
පසුගිය මැයි මාසයේ මේ බව ප්රකාශ කිරීමත් සමග තලේබාන් සංවිධානය ඇෆ්ගනිස්තාන රජයට එරෙහි ප්රහාර වේගවත් කළ අතර එතැන් සිට මේ දක්වා ඔවුන් දිස්ත්රික්ක තිහක පමණ බලය තහවුරු කරගෙන තිබේ.
බලය බෙදාගැනීම සදහා ඇෆ්ගනිස්තාන රජය සහ තලේබාන් සංවිධානය අතර සාකච්ඡා පැවතියත් ඒවා අවසානයේ බිද වැටීමට වැඩි ඉඩකඩක් ඇතැයි විදෙස් මාධ්ය වාර්තාවල වැඩිදුරටත් සදහන් වේ.