තලේබාන් සංවිධානයට ඇෆ්ගනිස්තානය නීතිය හා මහජන සාමය ආරක්ෂා වන රටක් ලෙස පාලනය කර ගැනීමට නොහැකි වනු ඇති බවට වාර්තා පලවී තිබේ.
ආරක්ෂක විශ්ලේෂකයන් පිරිසක් උපුටා දක්වමින් වොෂින්ටන් පෝස්ට් පුවත්පත සදහන් කර ඇත්තේ ඇෆ්ගනිස්තානය තුළ සිදුවන ත්රස්තවාදී ක්රියා දිනෙන් දින ඉහළ යමින් ඇති බවයි.
මෑතකදී කුන්දුස් සහ කන්දහාර් ප්රාන්තවල ෂියා මුස්ලිම් දේවස්ථාන ඉලක්ක කර ගනිමින් මරාගෙන මැරෙන ප්රහාර දෙකක් එල්ල වූ අතර ඉන් විශාල පිරිසක් මියගියහ.
ඊට අමතරව තලේබාන් සංවිධානය ඉලක්ක කරගත් හුදකලා ප්රහාර රැසක් පිළිබදවද වාර්තා වී තිබේ.
විදෙස් මාධ්ය වැඩිදුරටත් වාර්තා කරන්නේ කොරසන් පළාතේ ඉස්ලාමීය රාජ්ය සංවිධානය සිරියාව සහ ඉරාකය පදනම් කරගත් අන්තවාදී ත්රස්තවාදී කණ්ඩායම් මේ වනවිට ඇෆ්ගනිස්තානය තුල හිස ඔසවමින් ඇති බවයි.
මේ හේතුවෙන් ඉදිරියේදී ඇෆ්ගනිස්තානයේ තත්වය තවත් අයහපත් වනු ඇති බව අදාළ වාර්තාවේ වැඩිදුරටත් සදහන් වේ.