සිය ගුවන් සීමාව උල්ලංඝනය නොකරන්නැයි තලේබාන් සංවිධානය ඇමරිකා එක්සත් ජනපදයට අනතුරු අගවා තිබේ.
තලේබාන් සංවිධානය නිකුත් කළ නිවේදනයක දැක්වෙන්නේ අනෙක් සෑම රටකට මෙන්ම තම පාලනය යටතේ පවතින ඇෆ්ගනිස්තානයට ද සිය දේශසීමාව සහ ගුවන් සීමාව තුළ ස්වාධිපත්ය බලය හිමි බවයි.
කිසියම් රටක් තම අවසරයකින් තොරව සිය දේශසීමා සහ ගුවන් සීමා උල්ලංඝනය කිරීම අන්තර්ජාතික නීතියට පටහැනි බව ද තලේබාන් සංවිධානය සිය නිවේදනයේ සදහන් කර තිබේ.
තලේබාන් සංවිධානය මේ නිවේදනය නිකුත් කර ඇත්තේ ඇමරිකන් හමුදාවට අයත් ඩ්රෝන යානා අවසරයකින් තොරව ඇෆ්ගනිස්තාන ගුවන් සීමාවේ සැරිසැරීම හේතුවෙන් සදහන් වේ.
මේ අතර ඇෆ්ගනිස්තානයේ තත්වය සම්බන්ධයෙන් කොංග්රස් මණ්ඩලය හමුවේ අදහස් දක්වමින් ආරක්ෂක ලේකම් ලොයිඩ් ඔස්ටින් සදහන් කර ඇත්තේ, ඇමරිකාව හමුදා ඉවත්කර ගැනීමේ ක්රියාවලිය තුළ යම් වැරදි තක්සේරු කිරීම් සිදුකර ඇති බවයි.