කාන්තා අයිතිවාසිකම් වෙනුවෙන් හඩ නැගූ ක්රියාකාරිනියන් අත්අඩංගුවට ගැනීමේ මෙහෙයුමක තලේබාන් සංවිධානය නිරත වන බව වාර්තා වේ.
එරට මාධ්ය වාර්තා කළේ මේ වනවිට ඇෆ්ගනිස්තානය තුළ සැගව සිටින කාන්තා අයිතිවාසිකම් වෙනුවෙන් පෙනී සිටි ක්රියාකාරිනියන්, මාධ්යවේදිනියන් වැනි පිරිස් සොයා තලේබාන්වරු ඔවුන්ගේ නිවෙස් වෙත යන බවයි.
ඒ අනුව ඔවුන්ට සිය නිවෙස් තුළ සැගව හෝ රහසිගත ස්ථානවල සැගව දිවි ගෙවන්නට සිදුව ඇති බව ද එම වාර්තා වැඩිදුරටත් සදහන් කරයි.
මේ වනවිටත් තලේබාන්වරු ඇතැම් ප්රදේශවල කාන්තා අයිතිවාසිකම් දැඩි ලෙස සීමා කර ඇති අතර හේරාට් පළාතේ විශ්ව විද්යාලයන්හි කාන්තා සහ පිරිමි ශිෂ්ය ශිෂ්යයාවන් එකම පන්තිවල අධ්යාපනය ලැබීම තහනම් කිරීම ඊට ආසන්නතම සිදුවීමකි.