කාබුල් ඇතුළු ඇෆ්ගනිස්තානයේ නගර ගණනාවක පැවති තලේබාන් විරෝධී උද්ඝෝෂණ වාර්තා කිරීමේ නිරත වූ ජනමාධ්යවේදීන් රැසක් අත්අඩංගුවට ගෙන තිබේ.
එරට මාධ්ය සංවිධාන සදහන් කරන ආකාරයට අවම වශයෙන් ජනමාධ්යවේදීන් 14 දෙනෙකු මෙහිදී අත්අඩංගුවට ගෙන ඇත.
සීපීජේ හෙවත් ජනමාධ්යවේදීන් සුරැකීම සදහා අන්තර්ජාතික කමිටුවට අනුව මෙම පිරිසෙන් ඇතැමුන් පසුව නිදහස් කර ඇතත් 06 දෙනෙකු පමණ පහරදීම්වලට ද ගොදුරු වී තිබේ.
තලේබාන් සංවිධානය ඇෆ්ගනිස්තානය තුළ නිදහස් මාධ්ය සංස්කෘතියක් බිහිකරන බව පෙරදී ප්රකාශ කළත් මේ වනවිට එය දරුණු මාධ්ය මර්දනයක් කරා යොමුවෙමින් ඇති බව අන්තර්ජාතික මාධ්ය සංවිධානවල අදහසයි.
මේ සම්බන්ධයෙන් ජනමාධ්යවේදීන් ආරක්ෂා කිරීම සදහා වන අන්තර්ජාතික කමිටුව තලේබාන් ප්රකාශක සබිහුල්ලා මුජාහිඩ්ගෙන් විමසා ඇතත් ඔහු ඊට ප්රතිචාර දැක්වීමෙන් වැළකී සිට තිබේ.