බොරුව තවදුරටත් පවත්වාගෙන යා නොහැකි බවත් ජනාධිපතිවරයාගේ කාලය දැන් අවසන් බවටත් තලේබාන් සංවිධානය ඇෆ්ගනිස්තාන ජනාධිපති අශ්රොෆ් ගානි වෙත අනතුරු අඟවා තිබේ.
දේශය යළි අත්පත්කරගෙන ඇති බවත් දේශය පාවාදුන් පුද්ගලයන්ට එරෙහිව කටයුතු කරන බවටත් තලේබාන් සංවිධානය වැඩිදුරටත් ප්‍රකාශ කර ඇත.
තලේබාන් සංවිධානයේ ප්‍රකාශක සබිහුල්ලා මුජාහිඩ් මේ බව ප්‍රකාශ කර ඇත්තේ ඇෆ්ගනිස්තාන ජනාධිපති අශ්රොෆ් ගානිගේ ප්‍රකාශයකට පිළිතුරක් ලෙස ට්විටර් සටහනක් තබමිනි.
පසුගියදා මාධ්‍ය වෙත අදහස් දැක්වූ ජනාධිපති ගානි ඇමරිකාව ප්‍රමුඛ නේටෝ හමුදා හදිසියේම මාස තුනක් තුළ ඇෆ්ගනිස්තානයෙන් ඉවත්වීමට ගත් තීරණය හේතුවෙන් එහි ඇතැම් ප්‍රදේශවල ආරක්ෂාව බිද වැටුණුබව පිලිගත්තේය.
කෙසේවෙතත්,මාස හයක් තුළ සම්පූර්ණයෙන්ම යළිත් ඇෆ්ගනිස්තානයේ බලය තහවුරු කර ගැනීමට ආරක්ෂක සැලසුමක් සකස් කර ඇතිබව ඔහු මෙහිදී කියා සිටියේය.
ඊට පිළිතුරු ලෙස තලේබාන් ප්‍රකාශක සබිහුල්ලා මුජාහිඩ් වැඩිදුරටත් සදහන් කර ඇත්තේ ඇෆ්ගනිස්තාන ජනාධිපතිවරයා බියෙන් සහ උන්මාදයෙන් නන් දොඩවන බවයි.
