ඇෆ්ගනිස්තානයේ කාබුල් අගනුවර පිහිටි සීක් දේවස්ථානයක් වෙත කඩා වැදුණු සන්නද්ධ තලේබාන් සාමාජිකයන් පිරිසක් එයට හානි පමුණුවා ඇතැයි විදෙස් මාධ්ය වාර්තා කරයි.
දේවස්ථානය තුළ පිහිටි පූජනීය ග්රන්ථ ගබඩා කර තිබූ ස්ථානයට මෙන්ම තවත් පූජනීය ස්ථාන හා වස්තු රැසකට මෙම පිරිස හානි සිදුකර ඇති බව සීක් ආගමික නායකයන් පිරිසක් සදහන් කර ඇත.
එම අවස්ථාවේ සීක් දේවස්ථානය තුළ රැදී සිටි සීක් ආගමිකයන් විශාල පිරිසක් ද තලේබාන් සාමාජිකයන් විසින් පැහැරගෙන ගොස් ඇති බව එරට වාර්තා සදහන් කරයි.
තලේබාන් සංවිධානය ඇෆ්ගනිස්ථානයේ බලය අල්ලා ගැනීමත් සමග එරට තුළ ජීවත්වන සීක්වරුන්ට විවිධ හිරිහැරවලට මුහුණ පාන්නට සිදුව ඇති අතර විදෙස් මාධ්ය වාර්තා කළේ සීක් දේවස්ථාන රැසකට ද ඔවුන් විසින් මේ වන විට හානි සිදුකර ඇති බවයි.