ඇෆ්ගනිස්තාන භුමිය අල්කයිඩා සංවිධානයේ ක්රියාකාරකම් සදහා යොදාගැනීමට ඉඩ ලබා නොදෙන බව තලේබාන් සංවිධානය ප්රකාශ කර ඇතත්, තමන් එය විශ්වාස නොකරන බව ඇමරිකානු රාජ්ය ලේකම් ඇන්තනි බ්ලින්කන් පවසයි.
ඔහු මෙම අදහස් පළකර ඇත්තේ අල්කයිඩා සංවිධානය තවදුරටත් ඇෆ්ගනිස්තානය තුළ ක්රියාත්මක බවට ඇමරිකානු සීඅයිඒ වාර්තාවක් මගින් කරුණු හෙළිකිරීමත් සමගය.
යම් හෙයකින් ඇෆ්ගනිස්තානය තුළ සිදුවන අල්කයිඩා ක්රියාකාරකම් ඇමරිකාවට තර්ජනයක් වුවහොත් තලේබාන් සංවිධානය එහි වගකීම භාරගත යුතු බවද ඇමරිකානු රාජ්ය ලේකම්වරයා අවධාරණය කර තිබේ.
මේ අතර සීඅයිඒ සංවිධානයේ නියෝජ්ය අධ්යක්ෂ ඩේවිඩ් කොහෙන් සදහන් කර ඇත්තේ ඇෆ්ගනිස්තානය තුළ සිදුවන අල්කයිඩා සංවිධානයේ නව ක්රියාකාරකම් කිහිපයක් සම්බන්ධයෙන් තමන් දැඩි අවධානයෙන් සිටින බවයි.