මහ මැතිවරණයේදි දමිල ප්‍රගතිශිලි සන්ධානය සමගි ජන බලවේගය සමග එක්වී සන්ධානයක් වශයෙන් තරග කිරිමට ඊයේ (29) දින එකගතාවය පල කළ බව දමිළ ප්‍රගතිශිලි සන්ධානයේ නියෝජ්‍ය නායක පලනි දිගම්බරම් මහතා පැවසුවා.
සමගි ජන බලවේගයේ නායක සජිත් ප්‍රේමදාස මහතා සමග ඊයේ කොළඹ සාකච්ඡාවක් පැවැත්වු බවත්, එම සාකච්ඡාවට දමිළ ප්‍රගතිශිලි සන්ධානයේ නායක මනෝ ගනේෂන් ඇතුළු තමන් සහභාගි වු බවත් ඔහු සඳහන් කළා.
ඒ අනුව, මහ මැතිවරණයේදි සජබය සමග එක් වි තරග කිරිමට කැමැත්ත පල කල බවද දිගම්බරම් මහතා කියා සිටියා.
ඔහු වැඩිදුරටත් කියා සිටියේ, සමගි ජන බලවේගය සමග එක් වි තරග කිරිමට දමිල ප්‍රගතිශිලි සන්ධානය හැර ගිය මහනුවර දිස්ත්‍රික් හිටපු පා.ම වේළුකුමාර් මහතා සමගි ජන බලවේගයට එක් කර නොගන්නා බවට සජිත් ප්‍රේමදාස මහතා ඇතුළු එම පක්ෂයේ ජේෂඨයින් තම සන්ධානයට පොරොන්දු වු බවයි.
