24 C
Colombo
Monday, December 5, 2022

සමියා සුලූහු හසන් ටැන්සානියාවේ පළමු කාන්තා ජනාධිපතිනිය බවට පත්වේ

- Advertisement -

ටැන්සානියාවේ නව ජනාධිපති හා පළමු කාන්තා ජනාධිපතිනිය ලෙස සමියා සුලූහු හසන් (Samia Suluhu Hassan) 2021 මාර්තු 19 වන දින වාණිජ අගනුවර වන ඩාර් එස් සලාම්හි රාජ්‍ය මන්දිරයේදී දිවුරුම් දී ඇති බව විදෙස් මාධ්‍ය වාර්තා කරයි.

සම්භාවනීය අමුත්තන් ඉදිරියේ කළු ඇඳුමකින් හා රතු හිස් වැස්මකින් සැරසී හසන්, ටැන්සානියාවේ ව්‍යවස්ථාව අවංකව හා කීකරු වී ආරක්ෂා කිරීමට පොරොන්දු වෙමින් මෙලෙස ජනාධිපති ලෙස දිව්රුම් දීම සිදුවුයේ ඇගේ පූර්වගාමියා වූ හිටපු ජනාධිපති ජෝන් පොම්බේ මගුෆුලිගේ(John Pombe Magufuli) හදිසි අභාවයෙන් පසුව ය.ටැන්සානියාවේ දින 21ක ජාතික ශෝක කාලයක් මේ වන විට ප්‍රකාශ කර ඇති අතර පිටුවහල් කරන ලද විපක්ෂ නායක ටුන්ඩු ලිසු පසුගිය සතියේ කියා සිටියේ ජනාධිපතිවරයා COVID-19 ආසාදනය වී මිය ගිය බව වුවද හෘද රෝගයක් හේතුවෙන් ජනාධිපති මගුෆුලිගේ මරණය සිදු වී ඇති බව වාර්තා වේ.

පළාත් පාලන ආයතනවල සිට ජාතික සභාව දක්වා වසර 20 ක දේශපාලන ජීවිතයක් මේවන විට ගත කර ඇති 61 හැවිරිදි හසන්, පාලක චමා චා මාපින්දුසි (සීසීඑම්) හි ප්‍රබලවරියක වන අතරම මාගුෆුලිගේ උප ජනාධිපතිවරයා විය. ටැන්සානියාවේ ආණ්ඩුක්‍රම ව්‍යවස්ථාවට අනුව, උප ජනාධිපති ධුරයේ දී මිය යන ජනාධිපතිවරයෙකුගේ ධූර කාලය ඉතිරි වේ. 2015 දී ප්‍රථම වරට තේරී පත් වූ මාගුෆුලි පසුගිය වසරේ ඔක්තෝම්බර් මාසයේදී දෙවන පස් අවුරුදු ඡන්දය ලබා ගත්තේය.ඒහේතුවෙන් 2025 ඔක්තෝබර් මාසයෙන් අවසන් වන මැගුෆුලිගේ ධුර කාලය ඉතිරි සිව් වසර තුළ ඇය සේවය කරනු ඇති බව විදෙස් මාධ්‍ය පෙන්වා දෙයි.

ටැන්සානියාවේ නායකත්වයේ නව පරිච්ඡේදයක් සනිටුහන් කරමින් සමියා සුලූහු හසන් ඇයගේ පළමු ප්‍රසිද්ධ දේශනයේදී හිටපු ජනාධිපති ජෝන් මගුෆුලිට හැඟීම්බර උපහාරයක් වෙමින් පැවසුවේ එකිනෙකාට ඇඟිල්ල දිගු කිරීමට කාලය නොව, දෑත් අල්ලාගෙන ජනාධිපති මගුෆුලි අපේක්ෂා කළ නව ටැන්සානියාව ගොඩනැගීමට ඉදිරියට යා යුතු බවයි. සැමවිටම ඉගැන්වීමට කැමති මැගුෆුලි තමා ඉදිරි කර්තව්‍යයට සූදානම් කර ඇති බව පැවසු ඇය ජාතිය එක්සත් කිරීමට කටයුතු කරන ලෙස රටේ සියලු ජනතාවගෙන් ඉල්ලා සිටියේය.

කෙසේ නමුත් විචාරකයන් සමියා සුලූහු හසන්ව පෙන්වා දෙන්නේ මෘදු ලෙස කථා කරන සම්මුතියක් ගොඩනඟන්නෙකු ලෙසය. ඇගේ නායකත්ව විලාසය දිවංගත ජනාධිපතිවරයාට වඩා බෙහෙවින් වෙනස් බවත් පවසන ඔවුන් ඇය වැඩි වශයෙන් උපදෙස් වලට ඇහුම්කන් දෙන බවත් ඒකපාර්ශ්වික තීරණ ගන්නා කෙනෙකු නොවන බවත් මතදරයි.

RECENT ARTICLES - SINHALA

ලංකාවට එම්බාම් පුහුණු කිරීමේ පාසලක්

0
මෘත ශරීර එම්බාම් කිරීමේ පාඨමාලාවක් එළෙඹන වසරේ පෙබරවාරි සිට ආරම්භ කරන බව සමස්ත ලංකා අවමංගල්‍ය අධ්‍යක්ෂවරුන්ගේ සංගමයේ සභාපති මහින්ද පනාගොඩ මහතා පවසනවා.

පොහොර ගබඩා සියල්ලම පිරිලා..! – ඇමති අමරවීර

0
කෘෂිකර්ම අමාත්‍යංශය සතු පොහොර ගබඩා සියල්ල මේ වන විට පිරී ගොස් ඇතැයි කෘෂිකර්ම වනජීවී සහ වන සම්පත් සංරක්ෂණ අමාත්‍ය මහින්ද අමරවීර පවසනවා.

ජවිපෙ ක්‍රියාමාර්ග ගැන ස්ටාලින් කනස්සල්ලෙන්

0
ජනතා විමුක්ති පෙරමුණට සම්බන්ධ වෘත්තීය සමිති විසින් සංවිධානය කරන විරෝධතා සඳහා සිය පාර්ශවය වෙත කිසිදු ආරාධනයක් සිදුකර නොමැති බව ලංකා ගුරු සංගමයේ...

RECENT ARTICLES - ENGLISH

Sri Lankan arrested in Australia for killing his wife

0
A 45-year-old Sri Lankan man has been arrested by the Australian police in connection with the murder of his wife, a mother...

SL origin family in US seeks justice after police kill son

0
A tech entrepreneur in Texas wasn’t given ample time to drop a rifle he was carrying on his own front porch before...

Iran Announces End Of ‘Morality Police’ To Appease Protesters

0
Iran’s Attorney General says the Islamic Republic has disbanded the “morality police” adding that it had nothing to do with the judiciary...