දියවන්නා ඔයේ අසාමාන්ය ලෙස ඇල්ගී වර්ධනයවීම සම්බන්ධව සොයාබැලීම සඳහා කාර්ය සාධක බලකායක් පත් කිරීමට අදාළ අමාත්ය මණ්ඩල පත්රිකාව මේ සතියේ ඉදිරිපත් කිරීමට නියමිතයි.
මෙලෙස ඇල්ගී වර්ධනය වුවහොත් ඉදිරියේදී ඔය අයහපත් තත්ත්වයට පත්වීමේ අවදානමක් පවතින අතර පාර්ලිමේන්තු සංකීර්ණය ඇතුළු අවට පරිසරය තුළ දැඩි දුර්ගන්ධයක් ඇතිවීමේ තත්ත්වයක් ද හටගත හැකි බව මේ වන විටත් විශේෂඥයින් විසින් පෙන්වා දී තිබෙනවා.
ඒ අනුව මෙම තත්ත්වය වළක්වා ගැනීම සඳහා විශේෂඥ දැනුමක් සහිත කාර්ය සාධක බලකායක් පත් කිරීමට අදාළ අමාත්ය මණ්ඩල පත්රිකාව සකස් කර අවසන් කර ඇති බව පරිසර අමාත්යාංශය පවසනවා.
ඒ අනුව මීළඟ අමාත්ය මණ්ඩල රැස්වීමේදී පරිසර අමාත්ය මහින්ද අමරවීර මහතා විසින් දියවන්නා ඔයේ ගැටළුව වෙනුවෙන් අමාත්ය මණ්ඩල පත්රිකාව ඉදිරිපත් කිරීමට නියමිතයි.