මෙවැනි අවස්ථාවක සේවයෙන් ඉවත්වීම සඳහා ගුරුවරුන්ව මෙහෙයවනේ ‘කාලකණ්නි’ කණ්ඩායමක් බවට කැබිනට් මාධ්ය ප්රකාශක, ජනමාධ්ය අමාත්ය කෙහෙළිය රඹුක්වැල්ල මහතා පවසනවා.
ඒ මහතා මේ බව ප්රකාශ කර සිටියේ මාර්ගගත ඉගැන්වීම් වලින් ගුරුවරුන් ඉවත් වීම සහ එසේ ඉවත්වීම සම්බන්ධයෙන් රාජ්ය අමාත්ය දිළුම් අමුණුගම මහතා සිදු කළ ප්රකාශය සම්බන්ධයෙන් මාධ්යවේදීන් විසින් අද පැවති අමාත්ය මණ්ඩල තීරණ දැනුම් දීමේ මාධ්ය හමුවේදී නැගූ ප්රශ්නයකට පිළිතුරු දෙමින්.
‘කාලකණ්නි’ යන වචනය භාවිතා කිරීම සම්බන්ධයෙන් සමාව ඉල්ලන නමුත් රට පත්ව ඇති තත්වය නොසලකා මෙවැනි ක්රියාවන් සිදු කරන පුද්ගලයන් හට එසේ ආමන්ත්රණය කිරීමට සිදුවන බවයි අමාත්යවරයා පවසන්නේ.
එමෙන්ම, කොතලාවල පනතට එරෙහි විරෝධතා සියල්ල සිදුවන්නේ නිරෝධායන නීතිරීතීන් උල්ලංඝණය කරමින් බවත් ඔවුන් සිදුකළ යුතුව තිබුණේ අධිකරණමය ක්රියාමාර්ගයකට යාම බවත් ඔහු පවසනවා.
බස් වල යාම ඇතුළු වැරදි සිදු කරන්නේ ජනතාවම බවත් කෙසේ වෙතත් 43ලක්ෂයක සිසුන් අපහසුතාවයට පත්කරමින් මෙලෙස කටයුතු කිරීමද වැරදි සහගත බවත් ඔහු අවධාරණය කර සිටිනවා.