වසර විසි හතරක් පුරා පවතින ගුරු විදුහල්පති වැටුප් ගැටලුව විසඳීමට ජනපති සහ මුදල් අමාත්යවරයා වහාම මැදිහත් විය යුතු බව පවසමින් ශ්රී ලංකා රජයේ ගුරුවන්ගේ සංගමය නියෝජනය කරන ගුරුවරුන් පිරිසක් ජනපති ලේකම් කාර්යාලය ඉදිරිපිට මේ වන විට අඛණ්ඩ සත්ය ග්රහයක් ආරම්භ කිරීමට කටයුතු කර තිබෙනවා.
මේ වන විට අදාළ වැටුප් විෂමතාව විසඳා ගැනීම වෙනුවෙන් පවත්වා ඇති සියලුම සාකච්ඡා අසාර්ථක වී ඇති බවත් අතිගරු ජනපති ගෝඨාභය රාජපක්ෂ මහතා සහ මුදල් අමාත්ය බැසිල් රාජපක්ෂ මහතා වහාම මැදිහත් වී ගැටලුව විසඳුමක් ලබා දෙන තෙක් අඛණ්ඩ සත්යග්රහයක නිරත වීමට කටයුතු කරන බව එම සංගමයේ ප්රධාන ලේකම් ෂෙහාන් දිසානායක මහතා මාධ්ය වෙත ප්රකාශ කළා.
අඛණ්ඩ සත්ය ග්රහය ආරම්භ කරමින් ඒ මහතා මෙසේ ද සඳහන් කළා.
“ගුරුවරුන්ට හැමදාම මහපාරේ අරගල කරන්න බැහැ.මේ රටේ දරුවන්ට උගැන්වීමට අපි කටයුතු කළ යුතුයි.ඒ නිසා අපි මේ රටේ ප්රධාන පුරවැසියා වශයෙන් අතිගරු ජනාධිපතිවරයාගෙන් මෙන්ම මුදල් අමාත්යවරයාගෙන් ඉල්ලා සිටින්නේ වහාම මේ ගැටලුව ඔබේ අතට ගන්න.කරුණාකරලා ගුරුවරු මේ විදියට මහ පාරට ඇදල දාන්න එපා”
ගුරු සංගම් සහ පක්ෂ භේද නොසලකා ගුරු විදුහල්පති ගැටලුව විසඳීමේ එකම අරමුණ වෙනුවෙන් සියලුම ගුරුවරු නියෝජනය කරමින් මෙම සත්ය ග්රහය අඛණ්ඩව ක්රියාත්මක කරන බව ද ඒ මහතා වැඩි දුරටත් පවසනු ලැබුවා.