ඔක්තෝබර් 06 වැනිදාට යෙදෙන ගුරු දිනයේදී දැවැන්ත උද්ඝෝෂණ මාලාවක් ක්රියාත්මක කිරීමට බලාපොරොත්තු වන බව ලංකා ගුරු සංගමය පවසනවා.
කුමන බාධක පැමිණියද සිය වෘත්තීය සමිති ක්රියාමාර්ග අඛණ්ඩව ක්රියාත්මක කරන බවයි එහි ප්රධාන ලේකම් ජෝසෆ් ස්ටාලින් මහතා අවධාරණය කර සිටින්නේ.
ගුරු-විදුහල්පති වෘත්තීය සමිති සන්ධානය අද පැවැත්වූ මාධ්ය හමුවට සහභාගිවෙමින් ඒ මහතා මේ බව ප්රකාශ කර සිටියා.
ඒ අනුව දිවයින පුරා පිහිටි කොට්ඨාස අධ්යාපන කාර්යාල 312 පුරා උද්ඝෝෂණ මාලාවක් පැවැත්වීමට ගුරුවරුන් සූදානමින් සිටිනවා.
මේ අතර අමාත්ය සරත් වීරසේකර මහතා ඊයේ ප්රකාශ කර සිටියේ උද්ගෝෂණ, වර්ජන සිදුකරන වෘත්තීය සමිතිවල පිරිස් වලට එරෙහිව නීතිය දැඩිව ක්රියාත්මක කරන බවයි.