කොවිඩ් වසංගත සමයේ දී රාජ්ය සේවකයින්ට පහසු ඇඳුමකින් සේවයට වාර්තා කිරීමට නිකුත් කළ චක්රලේඛය ගුරුවරුන්ට අදාළ නොවන අතර, එය සංශෝධනය කරන්නැයි රාජ්ය පරිපාලන ලේකම්වරයාට උපදෙස් ලබාදුන් බව අධ්යාපන අමාත්ය ආචාර්ය සුසිල් ප්රේමජයන්ත් ඊයේ (22) පාර්ලිමේන්තුවේදී ප්රකාශ කළා.
ඒ පෙරේදා (21) දිනයේ දිවයිනේ ප්රදේශ කිහිපයකම ගුරුවරියන්, සාරිය සහ ඔසරිය ඇදීම වෙනුවට වෙනත් ඇඳුම්වලින් සැරසී පාසල් වෙත පැමිණ තිබීම සම්බන්ධයෙන් පාර්ලිමේන්තු මන්ත්රී ජයන්ත සමරවීර මහතා ඇසූ ප්රශ්නයකට පිළිතුරු ලබාදෙමින්.
මේ අතර පෙරේදා දිනයේදී ප්රදේශ කිහිපයක ගුරුවරියන් පහසු ඇදුමකින් පාසල් පැමිණ තිබීම සම්බන්ධයෙන් ඊයේ රජයේ ප්රවෘත්ති දෙපාර්තමේන්තුවේ පැවති කැබිනට් තීරණ දැනුම්දීමේ ප්රවෘත්ති සාකච්ඡාවේදී අවධානය යොමුවුණා.
එහිදී වැඩබලන කැබිනට් ප්රකාශක සහ වැඩබලන ජනමාධ්ය අමාත්ය ශාන්ත බණ්ඩාර එහිදී ප්රකාශ කළේ එලෙස පහසු ඇඳුමකින් පාසලට පැමිණි ගුරුවරු සම්බන්ධයෙන් අධ්යාපන අමාත්යවරයාගේ මැදිහත් වීමෙන් අනිවාර්යෙන් විනය ක්රියාමාර්ග ගත යුතුව ඇති බවයි.