29 C
Colombo
Saturday, July 20, 2024

ආණ්ඩුවට විරෝධය පා ඔන්ලයින් ඉගැන්වීම්වලින් ගුරුවරු ඉවත්වෙයි

- Advertisement -

අද (12) සිට සියලුම ඔන්ලයින් ඉගැන්වීමේ කටයුතුවලින් ගුරුවරුන් ඉවත්වන බව ගුරු වෘත්තීය සංගම් සදහන් කරනවා.

ගුරු – විදුහල්පති වෘත්තීය සමිති සඳහන් කරන්නේ ගුරුවරුන් හා අධ්‍යාපනය සම්බන්දයෙන් ආණ්ඩුව සිදුකෙරෙමින් පවතින මර්දනකාරී පිළිවෙතට විරෝධය පා මෙම ක්‍රියාමාර්ගය ගන්නා බවයි.

ඒ අනුව ඔන්ලයින් විශේෂ මධ්‍යස්ථානවලින් මෙන්ම උසස් පෙළ විභාගයට අයදුම් කිරීමට අදාළ කටයුතුවලින්ද අද දින සිට ගුරුවරුන් ඉවත්වනු ඇති.

කොතලාවල ආරක්ෂක විශ්වවිද්‍යාල පනත් කෙටුම්පතට එරෙහිව විරෝධතා දැක්වීමේදී නිරෝධායන නීති කඩකළ බවට ජෝෂප් ස්ටාලින් මහතා ඇතුළු පිරිසක් අත්අඩංගුවට ගෙන බලහත්කාරයෙන්, අනීතිකව නිරෝධායනයට යොමු කිරීම කටයුතු කිරීමේ සිදුවීමද ගුරුවරුන් මෙම ක්‍රියාමාර්ගය ගැනීමට එක් හේතුවක්වී තිබෙනවා.

මීට පෙර ලංකා ගුරු සේවා සංගමයේ ලේකම් මහින්ද ජයසිංහ මහතාවද විරෝධතාවයක සහභාගීවීම හේතුවෙන් නිරෝධායන නීති කඩකළේයැයි පවසා අත්අඩංගුවට ගැණුනා.

ඒ අනුව මෙම ඔන්ලයින් අධ්‍යාපනය ලබාදීම වර්ජනය කිරීමේ වෘත්තීය ක්‍රියාමාර්ගයට ලංකා ගුරු සංගමය, ලංකා ගුරු සේවා සංගමය ඇතුලු සංගම් 14ක් එක්ව සිටිනවා.

මේ අතර ගුරු වෘත්තීය සමිති ගෙන ඇති මෙම වෘත්තීය ක්‍රියාමාර්ගයට සහය පලකරමින් කතෝලික පාසල්වල ගුරුවරුන්ද අද සිට ඔන්ලයින් ඉගැන්වීම්වලින් ඉවත් වී තිබෙනවා.

ඒ අනුව කොළඹ අගරදගුරු නිවසේ මාධ්‍ය ප්‍රකාශක ජූඩ් ක්‍රිෂාන්ත පියතුමන් සදහන් කරන්නේ සියලු කතෝලික පාසල්වල ගුරුවරුන් මීට සහය දක්වන බවයි.

RECENT ARTICLES - SINHALA

බංග්ලාදේශයේ සිටින ලාංකික සිසුන් පිරිසක් අද දිවයිනට

බංග්ලාදේශය තුළ උද්ගතව ඇති නොසන්සුන්කාරී තත්ත්වය හේතුවෙන් උසස් අධ්‍යාපනය සඳහා එරටට ගිය ශ්‍රී ලාංකික සිසුන් පිරිසක් අද (20) දිවයිනට පැමිණීමට නියමිත බව විදේශ කටයුතු...

නිලන්ත ජයවර්ධන ගැන සොයන්න විනය මණ්ඩලයක්

අනිවාර්ය නිවාඩු යවන ලද ජ්‍යෙෂ්ඨ නියෝජ්‍ය පොලිස්පති නිලන්ත ජයවර්ධන මහතා සම්බන්ධයෙන් පරීක්ෂණ පවත්වන විනය පරීක්ෂණ මණ්ඩලය ජාතික පොලිස් කොමිෂන් සභාව විසින් නම් කර තිබෙනවා ඒ...

සෝමාවතී පුදබිමට රෝහලක්

ඵෙතිහාසික සෝමාවතී රජ මහා විහාරස්ථාන පුද බිමේ “ නව පර්යන්ත රෝහලක් ” ඉදිකිරීමට සෞඛ්‍ය අමාත්‍යාංශය පියවර ගෙන තිබෙනවා. ඊට අදාළව විශේෂ සාකච්ඡාවක් ඊයේ දින (19)...

POPULAR ARTICLES

සිරිමාවෝ බාලිකාවේ අපූරු බුද්ධ පූජාව

0
කොළඹ සිරිමාවෝ බණ්ඩාරනායක බාලිකා පාසලේ අපූරු බුද්ධ පූජාවක් අද (18) දින පවත්වා තිබෙනවා. ඒ අනුව 6 ශ්‍රේණියේ දරුවන් හට බුද්ධ පූජාව සඳහා ගිලන්පස වර්ග, කැවිලි...

ලංකාවේ ඉදිවන අලුත්ම ජාත්‍යන්තර ගුවන් තොටුපළ

රජයේ තීරණයක් මත හිගුරක්ගොඩ අභ්‍යන්තර ගුවන්තොටුපල ජාත්‍යන්තර ගුවන් මෙහෙයුම් වෙනුවෙන් සංවර්ධනය කිරීමේ කටයුතු අද (19) ආරම්භ කළා. ඒ වරාය නාවික හා ගුවන්සේවා අමාත්‍ය නිමල් සිරිපාල...

චීනය – හම්බන්තොට සහ ඉන්දියන් සාගරයේ ස්ථාවරත්වය

චීනයේ අන්තර්ජාතික වෙළඳාම ආරක්ෂා කිරීම වෙනුවෙන්, වරාය සහ වරාය යටිතල පහසුකම් ස්ථාපිත කිරීම සඳහා චීන වාණිජ සමාගම් විශාල වශයෙන් ආයෝජනය කර ඇත්තේ කුමන රටවලදැයි...