ප්‍රජාතන්ත්‍රවාදීව කටයුතු කරන රජයක් ලෙසින් මහජන විරෝධතාවයන්ට සවන්දෙන්න සුදානම් වුවත් ත්‍රස්තවාදී කටයුතු පිළිගත නොහැකි බව අග්‍රාමාත්‍ය දිනේෂ් ගුණවර්ධන පවසනවා.
ඒ, අද (27) පාර්ලිමේන්තුවේ දී විශේෂ ප්‍රකාශයක් සිදුකරමින්.
මෙහිදී වැඩිදුරටත් අදහස් දැක්වූ නව අග්‍රාමාත්‍යවරයා,
“ප්‍රජාතන්ත්‍රවාදීව කටයුතු කරන රජයක් විදියට මහජන විරෝධතාවයන්ට සවන්දෙන්න සුදානම්. ප්‍රජාතන්ත්‍රවාදී විරෝධතාවයන්ට සවන්දෙන්න සුදානම්. අවිහිංසාවාදීව කටයුතු කරන ජනතාවගේ අවිහිංසාවාදී හඬට රජයක් හැටියට අපි එක්ව කටයුතු කරනවා. නමුත් ත්‍රස්තවාදීව කටයුතු කිරීම පිළිගන්න බෑ. ප්‍රජාතන්ත්‍රවාදයට ඇති ලොකුව තර්ජනය ත්‍රස්තවාදය බවට පරිවර්තනය කරන්න ප්‍රජාතන්ත්‍රවාදී පාර්ලිමේන්තුව නියෝජනය කරන අපි සහාය නොවනු ඇතැයි විශ්වාස කරනවා. විවිධ දේශපාලන මත දරන්න පුළුවන්. ප්‍රශ්නයන්ට විසඳුම් සෙවීම සඳහා මේ උත්තරීතර පාර්ලිමේන්තුවට එසේ කටයුතු කරන්න පුළුවන්කම ඇති වෙනවා. අපේ රටේ ජනතාව තීරණ රැසක් ප්‍රකාශයට පත්කරලා තියෙනවා. ඒ අතර ආණ්ඩු පෙරළි බවට පත්කරලා තියෙනවා. ඒ වගේම මහජන ආණ්ඩුවලට බලකරලා විශාල පරිවර්තනයක් ඇති කරලා තියෙනවා.”
