ගෑස් සැපයුම කපා හැරීම හේතුවෙන් රෙදිපිළි කර්මාන්ත ශාලා 300 කට අධික සංඛ්‍යාවක් වසා දමා ඇති බව සමස්ථ පාකිස්තාන රෙදිපිළි කර්මාන්ත ශාලා සංගමයේ (Aptma) සභාපති අබ්දුල් රහීම් නසීර් පවසයි.
ඔහු එරට ෆෙඩරල් රජයෙන් ඉල්ලා ඇත්තේ රෙදිපිළි කර්මාන්තයට අවශ්‍ය ගෑස් සැපයුම කඩිනමින් යථා තත්ත්වයට පත් කරන ලෙසයි.
ඒ හේතුවෙන් දැනටමත් ඩොලර් බිලියනයක පමණ අපනයන පාඩුවක් සිදුවී ඇති ඔහු පෙන්වා දී තිබේ.
2020 දී රෙදිපිළි අපනයනය ඩොලර් බිලියන 12.5 සිට 2022 දී ඩොලර් බිලියන 20 දක්වා, සියයට 60 ක වැඩිවීමක් සිදුවුවත් නව තත්වය හමුවේ එය යළි පහළ බසිනු ඇති බවට විශ්වාස කෙරේ.
සතියක කාලයක් කර්මාන්තයට ගෑස් සැපයුම අත්හිටුවන ලද බවත්, කර්මාන්තයේ නිෂ්පාදනය නතර වීමෙන් ආර්ථිකයට විශාල පාඩුවක් සිදු වූ බවත් නිෂ්පාදකයන් පෙන්වා දී තිබේ.
රෙදිපිළි කර්මාන්ත ශාලා මහා පරිමාණයෙන් වසා දැමීමේ ප්‍රතිඵලයක් ලෙස සේවකයින් දැවැන්ත පිරිසක් ඉවත් කිරීමත් සමග විරැකියාව ආර්ථිකට දැඩි බලපෑමක් විය හැකි බව ද පැවසේ.
