28 C
Colombo
Friday, July 19, 2024

සුද්ද එක්ක මොනර මස් කාපු ආදිවාසීන් 05 දෙනා අත්අඩංගුවට

- Advertisement -

පොළොන්නරුව මාදුරුඔය ජාතික වනෝද්‍යානයේ ආරක්‍ෂිත පක්ෂයක වන මොණරෙකු මරා පුළුස්සා එම මස් මී පැණි සමග ආහාරයට ගත් ආදිවාසී පස්දෙනා ඊයේ (10 ) හෙනානිගල අඩවි ආරක්ෂක කාර්යාලයට ඉදිරිපත් වීමෙන් අනතුරුව ඔවුන් පස්දෙනාට රුපියල් ලක්ෂය බැගින් ශරීර ඇප මත නිදහස් කර සැප්තැම්බර් 15 වෙනිදා යළිත් අධිකරණයට ඉදිරිපත් කරන ලෙසට මහියංගන මහේස්ත්‍රාත් තාරක රසංග සංජීව ජිනදාස මහතා නියෝග කර තිබෙනවා.

අදාළ ආදිවාසී සැකකරුවන් පස්දෙනා 10 වෙනිදා හෙනානිගල අඩවි ආරක්ෂක කුමාරසිරි විජේකෝන් විසින් අත්අඩංගුවට ගෙන මහියංගන මහේස්ත්‍රාත් අධිකරණයට ඉදිරිපත් කළා.

මාදුරුඔය ජාතික වනෝද්‍යායේ ආරක්ෂිත පක්ෂයෙකු ලෙස හඳුන්වන මොණරෙකු දඩයම් කර ගිනි දල්වා පුළුස්සා විදේශිකයකු සමග එම මස් ආහාරයට ගන්නා අයුරු රූගත කර youtube නාලිකාවක් ඔස්සේ ප්‍රදර්ශනය කර තිබීම දැනුම්වත් වීමෙන් පසු වනසත්ව හා වෘක්ෂලතා ආඥා පනත උල්ලංඝනය සම්බන්ධයෙන් මෙම ආදිවාසීන් පස්දෙනා ගැන විමර්ශන කටයුතු ආරම්භ වී තිබුණා.

ආදිවාසීන් පස් දෙනා සම්බන්ධව හෙනානිගල අඩවි ආරක්ෂක කුමාරසිරි විජේකෝන් විසින් බී වාර්තාවක් හරහා ඉදිරි නීති කෘත්‍ය සඳහා මහියංගණය අධිකරණයට ඉදිරිපත් කර තිබෙනවා.

බී වාර්තාව මගින් අධිකරණයට කරුණු ඉදිරිපත් කිරීමෙන් පසු ආදිවාසීන් පස්දෙනා වහාම අත්අඩංගුවට ගෙන අධිකරණයට ඉදිරිපත් කරන ලෙසට මහියංගන මහේස්ත්‍රාත් තාරක රසංග සංජීව ජිනදාස මහතා ජුනි 13 වෙනිදා වනජීවී නිලධාරීන්ට නියෝග කළා.

මෙම සිද්ධිය 2019 වර්ෂයේ හෝ 2020, වර්ෂයේ සිදුව ඇති බවට සැක කරන බවත්, විදේශිකයා සමග දඹාන ප්‍රදේශයේ ආදිවාසීන් පස්දෙනා එම අපරාධය සාමූහිකව සිදුකර රූගත කිරීම සම්බන්ධව සහ 1964 අංක 44 දරණ හා වර්ෂ 1970 අංක 01 හා 1993 අංක 49 දරන හා වර්ෂ 2012 අංක 22 දරණ අණ පනත් වලින් සංශෝධිත, 1937 අංක 02 දරන වන සත්ව හා වෘක්ෂලතා ආරක්ෂක ආඥා පනතේ 469 අධිකාරිය සහ දණ්ඩ නීති සංග්‍රහයේ අංක 32 ප්‍රකාරව පොදු අරමුණින් යුතුව මෙම අපරාධය සිදුකර ඇති බවට සනාථ වීම නිසා ඔවුන්ට එරෙහිව අධිකරණ ක්‍රියාමාර්ග ගැනීමට කටයුතු කර තිබුණා.

අත්අඩංගුවට ගත් ආදිවාසීන් පස්දෙනා පාපොච්චාරණය කර ඇත්තේ තමන් මොනරා ඝාතනය නොකළ බවත්, සුරංග නමැති පුද්ගලයකු විසින් මරණ ලද මොණරෙකු දඹාන පාසල අසලදී තමන්ට දුන් බවත්, තමන් පස්දෙනා විදේශිකයාට සම්බන්ධ කරදීමෙන් අනතුරුව සුරංග යන අය විසින් තමන්ට රුපියල් 2500 බැගින් වූ මුදලක් ලබාදීමට කටයුතු කළ බවයි.

මෙම සිද්ධියේ ප්‍රධාන සැකකරු අත්අඩංගුවට ගත් වහාම මහියංගන මහේස්ත්‍රාත් අධිකරණයට ඉදිරිපත් කිරීමට කටයුතු කරන බවද, හෙනානිගල අඩවි ආරක්ෂකවරයා සඳහන් කළා.


RECENT ARTICLES - SINHALA

ගැබිනි මව්වරු සහ කුඩා දරුවන්ගේ සෞඛ්‍ය ගැන හෙළිදරව්වක්

පසුගිය වසර 10ක කාලය තුළ ගර්භිණී මව්වරුන් සහ කුඩා දරුවන් දියවැඩියාව සඳහා ගොදුරුවීම ඉහළ ගොස් ඇති බව සෞඛ්‍ය අංශ පෙන්වාදී තිබෙනවා. කොළඹ ජාතික රෝහලේ දියවැඩියාව...

පාස්පෝට් කාර්යාලය ඉදිරිපිට උණුසුම් තත්වයක්

ආගමන විගමන දෙපාර්තමේන්තුව ඉදිරිපිට අද (19) උදෑසන උණුසුම් තත්වයක් හට ගෙන තිබෙනවා. විදෙස් ගමන් බලපත්‍ර අයදුම්කරුවන්ගේ පහසුව සඳහා ගමන් බලපත්‍ර අයදුම් කිරීම නව ක්‍රමවේදයක් ඔස්සේ...

ලංකාවේ කුකුළුමස් චීනයට යවන්න අවසර

මෙරට නිෂ්පාදනය කෙරෙන කුකුළු මස් හා බිත්තර මෙන්ම අන්නාසි චීනයට අපනයනය සඳහා දීර්ඝ කාලයක් තිස්සේ පැවැති බාධක චීන රජය විසින්  ඉවත් කර තිබෙනවා. කෘෂිකර්ම හා...

POPULAR ARTICLES

සඳුදා යළිත් පාසැල් වැසෙන ලකුණු

සති දෙකක් අකුරට වැඩ කිරීමේ වෘත්තීය සමිති ක්‍රියාමාර්ගයක් අරඹන බව ගුරු - විදුහල්පති වෘත්තීය සමිති සන්ධානය පවසනවා. ඒ අනුව, ඔවුන් සඳහන් කළේ ලබන සඳුදා (22)...

මුද්‍රිත විදුලි බිල්පත අනිවාර්යයි

පාරිභෝගිකයන් ඉල්ලා සිටින විට මුද්‍රිත විදුලි බිල්පතක් නිකුත් කිරීම අනිවාර්ය බව ශ්‍රී ලංකා මහජන උපයෝගීතා කොමිෂන් සභාව පවසනවා. නව විදුලි ගාස්තු සංශෝධනයත් සමග ශ්‍රී ලංකා...

මහින්ද රාජපක්ෂ මිස වෙන ගොනෙක් නෙවෙයි – සනත් නිශාන්තගේ බිරිඳ(වීඩියෝ)

රටේ තිබු යුද්ධය නැති කළ නායකයා මහින්ද රාජපක්ෂ මිස වෙන ගොනෙක් නොවන බව සනත් නිශාන්ත මහතාගේ බිරිඳ චමරි ප්‍රියංකා මහත්මිය පවසනවා. ඇය මේබව කියා සිටියේ...