නයිජීරියාවේ අගේ ප්‍රදේශයේදී ඉන්ධන ප්‍රවාහන බවුසරයක් අනතුරට ලක්වීමෙන් පුද්ගලයින් 48 දෙනෙකු මියගොස් තිබෙන බවට විදෙස් මාධ්‍ය වාර්තා කරනවා.
ඉන්ධන රැගත් බවුසරය, ගවයින් ප්‍රවාහනය කරමින් තිබූ ට්‍රක් රථයක ගැටීමෙන් මෙම අනතුර සිදුව තිබෙනවා.
අනතුරින් ට්‍රක් රථයේ සිටි ගවයින් 50 දෙනෙකු ද, මියගොස් තිබෙන අතර තුවාල ලැබූ පුද්ගලයින් සංඛ්‍යාව, සියයකට ආසන්න බව සඳහන්.
අනතුර සිදුවූ ස්ථානයේ අඛණ්ඩ සෝදිසි මෙහෙයුම් ක්‍රියාත්මක බව විදෙස් මාධ්‍ය වාර්තා කළා.
අප්‍රිකානු කලාපයේ ජනාකීර්ණම රටවන නයිජීරියාවේ භාණ්ඩ ප්‍රවාහන සඳහා විධිමත් දුම්රිය මාර්ග පද්ධතියක් ක්‍රියාත්මක නොවිම හේතුවෙන් වාර්ෂිකව, ඉන්ධන බවුසර් විශාල ප්‍රමාණයක් අනතුරට ලක්වනවා .
2020 වසරේදී ඉන්ධන බවුසර් 1531 ක් අනතුරට ලක්වීමෙන් මියගොස් ඇති පුද්ගලයින් සංඛ්‍යාව, 535 ක් බවති විදෙස් වාර්තා පෙන්වා දෙනවා.
