හිටපු බස්නාහිර පළාත් සභා මන්ත්රී නාමල් ගුණවර්ධන ඝාතනය සම්බන්ධයෙන් චෝදනා ලබා සිටි විත්තිකරු නිදොස් කොට නිදහස් කරන ලෙස කොළඹ මහාධිකරණය අද(26) නියම කළා.
කොළඹ මහාධිකරණ විනිසුරු මහේන් වීරමන් මහතා විසින් තීන්දුව ලබා දුන් අතර සම්පත් තුෂාර නමැති විත්තිකරු මෙසේ නිදහස් කිරීමට නියෝග කෙරුණා.
2004 වසරේ ඔක්තෝබර් මස 11 වන දා කොල්ලූපිටියේදී නාමල් ගුණවර්ධන මහතා වෙඩි තබා ඝාතනය කිරීම සම්බන්ධයෙන් මෙම විත්තිකරුට එරෙහිව චෝදනා ගොනු කර තිබුණා.
දීර්ඝ නඩු විභාගයකින් අනතුරුව තීන්දුව දුන් විනිසුරුවරයා විත්තිකරුට එරෙහි චෝදනා සාධාරණ සැකයකින් තොරව ඔප්පු කිරීමට පැමිණිල්ල අසමත් වී තිබෙන බව සදහන් කළා.
ඒ අනුව විත්තිකරු නිදොස් කොට නිදහස් කිරීමට අධිකරණය නියෝග කළා.