පහරදීමේ සිද්ධියක් සම්බන්ධයෙන් මහනුවර මහේස්ත්‍රාත් අධිකරණයේ පවතින නඩුවක් මග හරිමින් සිටි යුද හමුදා සෙබළකු ඊයේ (11) අත්අඩංගුවට ගත් බව තලාතුඔය පොලිසිය පවසනවා.
පොලිසිය පැවසුවේ, මෙසේ අත්අඩංගුවට ගෙන ඇත්තේ අවුරුදු 28 ක් වන බත්තරමුල්ල යුද හමුදා මූලස්ථානයට අනුයුක්තව සේවය කරනු ලබන හපුතලේ, පල්ලේගම ප්‍රදේශයේ පදිංචි සෙබළකු බවයි.
මෙම සෙබළා පවුල් ආරවුලක් මත සහෝදරයකුට කළ පහරදීමක් සම්බන්ධයෙන් පොලිසියට පැමිණිල්ලක් ලැබී තිබූ අතර, ඒ සම්බන්ධයෙන් මහනුවර මහේස්ත්‍රාත් අධිකරණයේ පැවැති නඩුවකට සැකකරු පෙනී නොසිටීම හේතුවෙන් අධිකරණයෙන් වරෙන්තු නිකුත් කර තිබූ බව පොලිසිය පවසනවා.
අත්අඩංගුවට ගත් සැකකරු අධිකරණයට ඉදිරිපත් කිරීමට නියමිතව තිබූ අතර, සිද්ධිය සමබන්ධයෙන් පොලිසිය වැඩිදුර විමර්ශන සිදුකරනු ලබනවා.
