28 C
Colombo
Thursday, May 19, 2022

ෂාරුක් ඛාන්ගේ පුත්‍රයා අත්අඩංගුවට ගැනීම කුමන්ත්‍රණයක ප්‍රතිපලයක් බවට තොරතුරු

- Advertisement -

මුම්බායී සිට ගෝවේ බලා යාත‍්‍රා කරමින් තිබූ ‘කෝර්ඩේලියා’ නම් වූ යාත්‍රාවේ පැවති සාදය සදහා පුද්ගලයින් 800 කට අධික පිරිසක් සහභාගි වී ඇති අතර එයට ෂාරුක් ඛාන්ගේ පුත්‍රයා වන ආර්යන් ඛාන් හට විශේෂිත අමුත්තෙකු ලෙස එක්වන ලෙස එහි සංවිදායිකයන් ආරධනා කර ඇති බව වාර්තා වනවා.

නැව ගමන් කරනා විට හා අන්තර්ජාතික මුහුදේ නවතා සාද පැවැත්වීම සඳහා සංවිධායකයින් මෙම නැව් සංචාරය සැලසුම් කර තිබුණා.

ඉන්දියාවේ මත්ද්‍රව්‍ය පාලන කාර්යාංශයට (NCB) ලැබුනු තොරතුරක් මත ඔවුන් ප්‍රවේශ පත් 22 ක් වෙන් කරවාගෙන මෙම නැව් සාදයට එක්ව තිබෙනවා.

එම සාදයට සහභාගීවීම සඳහා එක් ටිකට්පතක මිල ඉන්දියානු රුපියල් ලක්ෂයක් ලෙසට නියම කර තිබුණා.

කෙසේ වෙතත් වැටලීමේදී 800 ක පිරිසෙන් ෂාරුක් ඛාන්ගේ පුත්‍රයා වන ආර්යන් ඛාන් හා තවත් පුද්ගලයින් 7 දෙනෙකු පමණක් ඉන්දියාවේ මත්ද්‍රව්‍ය පාලන කාර්යාංශයේ අත්අඩංගුවට පත්වුණා.

නමුත් මෙම පුද්ගලයින් 8 දෙනා අතුරිනුත් පුද්ගලයින් තිදෙනෙකු ළඟ තිබී පමණක් මත්ද්‍රව්‍ය හමුවී ඇති නමුත් ෂාරුක් ඛාන්ගේ පුත්‍රයා ළඟ තිබී මත්ද්‍රව්‍ය හමුවී නැති බවයි වාර්තා වන්නේ.

එමෙන්ම ආර්යන් ඛාන් වෛද්‍ය පරීක්ෂණයකට යොමුකර ඇති අතර ඔහු මත්ද්‍රව්‍ය භාවිතා කර නොසිටි බවටද ඉන්දියානු මාධ්‍ය වාර්තා කරනවා.

කෙසේ වෙතත් මේ වන විට ආර්යන් ඛාන් ඉලක්ක කරමින් සිදුවූ මෙම අත්අඩංගුවට ගැනීම ආන්දෝලනාත්මක තත්ත්වයක් ඇතිකර තිබෙනවා.

එනම් NCB විසින් මෙම වැටලීම සිදුකිරීමෙන් පසුව මත්ද්‍රව්‍ය ළඟ තබාගැනීමේ චෝදනා මත පුද්ගලයින් පිරිසක් අත්අඩංගුවට ගත්තද ඉන් අනතුරුව නැවෙහි එම සාදය නවතා දැමීමට නියෝග කර නොමැති බවයි වාර්තා වන්නේ.

එමෙන්ම එක් පුද්ගලයෙකුට රුපියල් ලක්ෂය බැගින් රුපියල් ලක්ෂ 22 ක් වැයකොට NCB නිලධාරීන් මෙතරම් සුළු මත්ද්‍රව්‍ය ප්‍රමාණයක් සඳහා වැටලීමකට මහජන මුදල් යෙදවීම පිළිබදවද ඉන්දියාව තුළ කතාබහක් ඇතිව තිබෙනවා.

ඊට අමතරව ආර්යන් ඛාන් අත්අඩංගුවට ගත් අවස්ථාවේදී ඔහු සමඟ ජායාරූපයේ පෙනී සිටින පුද්ගලයා NCB නිලධාරියෙකු නොවන බවයි වාර්තා වන්නේ.

එබැවන් මෙවැනි වැටලීමකට ඔහු එක්වූයේ ඇයිදැයි යන්නත් මේ වන විට ගැටළුකාරී තත්ත්වයක් හටගෙන තිබෙනවා.

තවද මනිෂ් භනුෂාලි නැමැති පුද්ගලයෙකුද NCB ය කළ මෙම වැටලීමට එක්ව සිටියා. පසුව කළ සොයාබැලීමේදී වාර්තා වී ඇත්තේ ඔහු පාලක BJP පක්ෂයේ උප ප්‍රධාන නායකයෙකු බවයි.

RECENT ARTICLES - SINHALA

අත්අඩංගුවට ගත් රූපවාහිනී නිවේදිකාවට ඇප

සමාජ මාධ්‍ය ජාලා මගින් ප්‍රචණ්ඩත්වය පැතිරවීමට ආධාර අනුබල ලබාදීමේ චෝදනා මත අත්අඩංගුවට ගත් රූපවාහිනී සංස්ථාවේ නිවේදිකාවක් වන වසුන්දරා ගමගේ මහත්මියට ඇප ලබාදී...

පවිත්‍රා වන්නිආරච්චි CID යට

හිටපු අමාත්‍ය පවිත්‍රා වන්නිආරච්චි මහත්මිය හා ඇයගේ සැමියා වන කාංචන ජයරත්න මහතා අපරාධ පරීක්ෂණ දෙපාර්තමේන්තුවට කැඳවා තිබෙනවා. ඒ පසුගිය...

රූපවාහිනී නිවේදිකාවක් අත්අඩංගුවට

සමාජ මාධ්‍ය ජාලා මගින් ප්‍රචණ්ඩත්වය පැතිරවීමට ආධාර අනුබල ලබාදීමේ චෝදනා මත රූපවාහිනී නිවේදිකාවක් අත්අඩංගුවට ගෙන ඇතැයි පොලීසිය පවසනවා. 39...

RECENT ARTICLES - ENGLISH

Senior DIG Deshabandu Tennakoon assaulted

0
Senior DIG in charge of the Western Province Deshabandu Tennakoon was assaulted by a group on Tuesday (10) afternoon.

President declares State of Emergency

0
President Gotabaya Rajapaksa has declared a state of emergency with effect from midnight today, President’s Media Division informed. The...

Yoshitha to Sue AKD

0
Yoshitha Rajapaksa, the Chief of Prime Minister's Staff said that he would file law suit against the claims made by JVP Leader...