තුර්කි වායු පිස්තෝල (air pistol) වෙඩික්කරුවෙක් වූ යූසුෆ් ඩිකෙක් (Yusuf Dikec) 2024 පැරිස් ඔලිම්පික් උළෙලේ රිදී පදක්කම දිනා ගැනීමෙන් පසු සමාජ මාධ්‍යවල දැඩි කතා බහට ලක්ව තිබෙනවා.
ඒ විශේෂ කාච, ඇස් ආවරණයක් හෝ කන් ආරක්ෂාවක් නොමැතිව මෙම තරගකරු තරගයට මුහුණ දීම හේතුවෙන්.
අවුරුදු 51ක් වයසැති මෙම තරගකරුවා සාක්කුවේ එක් අතක් තබාගෙන තරග වදින අයුරු දැක්වෙන ඡායාරූපයක් සමාජ මාධ්‍ය තුළ දැඩි කතාබහට ලක්ව තිබුණා.
විදෙස් මාධ්‍ය සඳහන් කර සිටින්නේ, X සමාජ මාධ්‍යයේ මෙම ඡායාරූපය මිලියන 62 ක් නරඹා ඇති බවයි.
ඔහු විශ්‍රාමික හමුදා නිලධාරියෙකු වන අතර, ඔහු ක්‍රීඩා විද්‍යාව සම්බන්ධයෙන් උපාධිදාරියෙකුද වනවා.
