ශ්‍රී ලංකා ගුවන් විදුලි සංස්ථාවේ සභාපතිවරයා ඇතුළු අධ්‍යක්ෂ මණ්ඩලය සිය ධූරවලින් ඉල්ලා අස්වී තිබෙනවා.
ඔවුන්ගේ ඉල්ලා අස්වීමේ ලිපි ඊයේ (14) වන විට විෂය භාර අමාත්‍ය කෙහෙළිය රඹුක්වැල්ල මහතාට යොමු කර තිබූ බවයි වාර්තා වන්නේ.
කෙහෙළිය රඹුක්වැල්ල අමාත්‍යවරයා විසින් සංස්ථා සභාපති ජගත් වික්‍රමසිංහ මහතා ඇතුළු අධ්‍යක්ෂ්‍ය මණ්ඩලයට ධුරයෙන් ඉල්ලා අස්වීමට දැනුම් දී තිබුනු බවට පසුගිය දා වාර්තා වුණා.
සංස්ථාවට අයත් සංඛ්‍යාත අනුමැතියකින් තොරව පෞද්ගලික අංශයට ලබාදීමට පියවර ගැනීම සහ තවත් ගැටළු සහගත කටයුතු කිහිපයක් සම්බන්ධයෙන් මෙම පියවර ගෙන ඇති බවට තොරතුරු වාර්තා වනවා.
