මුස්ලිම් කාන්තාවන් පළදින බුර්කාව තහනම් කිරීමට වන ගැසට් පත්රයට තමන් අත්සන් කර අවසන් බවත් එය ඊයේ (15) දිනයේ කැබිනට් මණ්ඩලයට ඉදිරිපත් කරන බවත් මහජන ආරක්ෂක අමාත්ය සරත් වීරසේකර මහතා මීට පෙර මාධ්ය ඉදිරියේ පවසා සිටියා.
කෙසේ වෙතත් ඊයේ දිනයේ පැවති කැබිනට් රැස්වීමට එය ඉදිරිපත් කර නොමැති බවයි වාර්තා වන්නේ.
මේ පිළිබදව අද පැවති කැබිනට් තීරණ දැනුම්දීමේ ප්රවෘත්ති සාකච්ඡාවේදී මාධ්යවේදීන් ප්රශ්න කර සිටියා.
ඊට පිළිතුරු දෙමින් අමාත්ය රම්බුක්වැල්ල මහතා කියා සිටියේ එය ජාතික ආරක්ෂක අවශ්යතා මත සිදු කළ යුතු බවත් මෙම තීරණය ගනු ලබන්නේ කල්වේලා ගෙන හදිසියකින් තොරව බවයි.
එබැවින් ඒ සම්බන්දයෙන් විවෘත සංවාදයක් අවශ්ය බවත් ඔහු මාධ්යවේදීන් හට පිළිතුරු ලබා දුන්නා.
ඒ අනුව සරත් වීරසේකර අමාත්යවරයා පැවසූ පරිදි බුර්කා තහනමක් මේ මොහොතේ ක්රියාත්මක කිරීමට රජය තීරණය කර නැහැ.