මුස්ලිම් කාන්තාව පලඳින බුර්කා ඇඳුම තහනම් කිරීම සඳහා වන කැබිනට් පත්රිකාව ලබන සඳුදා (15දා) කැබිනට් මණ්ඩලයට ඉදිරිපත් කිරීමට නියමිත බවත් එම කැබිනට් පත්රිකාවට තමන් සිකුරාදා (12දා) දිනයේ අත්සන් තැබූ බවත් මහජන ආරක්ෂක ඇමැති රියර් අද්මිරාල් සරත් වීරසේකර පවසනවා.
බුර්කා ඇඳුම තමන් කුඩා කල මුස්ලිම් යහළු යෙහෙළියන් හෝ වැඩිහිටියන් නොපැලඳි ඇදුමක් බවත් එය ආගමික අන්තවාදී වස්ත්රයක් බැවින් එය සමාජයට අනවශ්ය දෙයක් බවද සරත් වීරසේකර මහතා සදහන් කරනවා.
පාස්කු ඉරිදා ප්රහාරයත් සමග මෙරටදී පළදින බුර්කාව තහනම් කිරීමට පාස්කු ප්රහාරය සම්බන්ධ සොයා බලන ජනපති කොමිසමේද නිර්දේශ කර තිබුණා.
කෙසේ වෙතත් බුර්කාව තහනම් වුවත් ඊට සමාන දෑස පමණක් නිරාවරණය වූ සම්පූර්ණයෙන්ම සිරුර ආවරණය වන නිකාබය තවදුරටත් මුස්ලිම් කාන්තාවන් හට ඇඳීමට අවසර හිමිවන්නේදැයි තවමත් පැහැදිලි කර නැහැ.