විරෝධතාකරුවන් අතට ගිනිඅවි පත්වීම මහජන ආරක්ෂාවට දැඩි තර්ජනයක් විය හැකි බැවින් හමුදාවෙන් පැහැර ගන්නා ලද ගිනිඅවි හැකි ඉක්මනින් ආරක්ෂක අංශ භාරයට ගැනීම සඳහා ඕනෑම පියවරක් ගැනීමට හමුදාපතිවරුන්ට සහ පොලිස්පතිට බලය පැවරීමට ඊයේ (15) රැස්වූ කැබිනට් මණ්ඩලය තීරණය කර තිබෙනවා.
වැඩබලන ජනාධිපති රනිල් වික්‍රමසිංහගේ ප්‍රධානත්වයෙන් කැබිනට් මණ්ඩලය ඊයේ රැස්වුණ අවස්ථාවේ මෙම තීරණය ගෙන තිබෙනවා.
වැඩ බලන ජනාධිපතිවරයා ලෙස රනිල් වික්‍රමසිංහ විසින් රැස්කළ මුල්ම කැබිනට් රැස්වීම එයයි.
රටේ ආරක්ෂාව තහවුරු කිරීම සඳහා උපරිම පියවර ගැනීමටත්, ත්‍රිවිධ හමුදාපතිවරුන්ට සහ පොලිස්පතිට අවශ්‍ය බලතල ලබාදීමටත් කැබිනට් මණ්ඩලය තීරණය කර තිබෙනවා.
එමෙන්ම පාර්ලිමේන්තුව රැස්වන අවස්ථාවේදී එහි ආරක්ෂාව තහවුරු කිරීමටත් මන්ත්‍රීවරුන්ට නිදහසේ රැස්වීමට තිබෙන අයිතිය රැකීමටත් ඕනෑම පියවරක් ගැනීමට ද කැබිනට් මණ්ඩලයේ දී තීරණය කර තිබෙනවා.
