ජාතික සංහිදියාව බිඳවැටෙන ආකාරයේ ප්‍රකාශ කළැයි කියන සිද්ධිය සම්බන්ධයෙන් ගලගොඩඅත්තේ ඥානසාර හිමියන්ට එරෙහි නඩුව ලබන වසරේ මාර්තු මස 14 වැනි දින සිට විභාග කිරීමට කොළඔ මහාධිකරණ විනිසුරු ආදිත්‍ය පටබැඳි මහතා ඊයේ (24) නියම කළා.
නඩුවේ පලමු සාක්‍ෂිකරු වන හිටපු ආණ්ඩුකාර අසාද් සාලී ඇතුළු සාක්කිකරුවන් කිහිප දෙනෙකුට එදින අධිකරණයේ පෙනී සිටින ලෙස නියම කරමින් සිතාසි නිකුත් කිරීමද එහිදී සිදු කෙරුණා.
විත්තිකාර ඥාණසාර හිමියන් වෙනුවෙන් නීතීඥ සංජය ආරියදාස මහතා අධිකරණය හමුවේ පෙනී සිටි අතර නඩුවේ පරිගණක සාක්කි සම්බන්ධයෙන් පරීක්‍ෂා කර බැලීමට අවශ්‍ය ප්‍රවේශය ලබා දෙන ලෙසට ඔහු අධිකරණයෙන් ඉල්ලා සිටියා.
ඒ අනුව අවශ්‍ය පරිගණක සාක්කි පරීක්‍ෂා කිරීමට එහි ප්‍රවේශය විත්ති පාර්ශවයට ලබාදෙන ලෙස අපරාධ පරීක්ෂණ දෙපාර්තමේන්තුව වෙත විනිසුරුවරයා නියෝග කළා.
2006 නොවැම්බර් මස 30 වැනිදා හෝ ඊට ආසන්න දිනයක මාධ්‍ය හමුවකදී ජාතීන් අතර සංහිදියාව කඩවන ආකාරයේ ප්‍රකාශ කළ බවට ගලගොඩඅත්තේ ඥානසාර හිමියන්ට එරෙහිව නීතීපතිවරයා විසින් කොළඹ මහාධිකරණය හමුවේ අධිචෝදනා ගොනු කර තිබෙනවා.
