වැඩි මුදලකට සයිනොෆාම් එන්නත් ආනයනය කරන බවට විපක්ෂය නගන චෝදනා ප්‍රතික්‍ෂේප කරන බව ඖෂධ නිෂ්පාදන, සැපයීම හා නියාමන රාජ්‍ය අමාත්‍ය මහාචාර්ය චන්න ජයසුමන පවසනවා. සයිනොෆාම් එන්නතේ එක් මාත්‍රාවක් සදහා අමෙරිකානු ඩොලර් 5 ක් වැඩියෙන් රජය ගෙවන බවටයි සමගි ජනබලවේගයේ පාර්ලිමේන්තු මන්ත්‍රී එස්. එම්. මරික්කාර් ඊයේ මාධ්‍ය හමුවක් කැදවමින් චෝදනා කළේ
එම ප්‍රකාශයට ප්‍රතිචාර දැක්වූ ඖෂධ නිෂ්පාදන, සැපයීම හා නියාමන රාජ්‍ය අමාත්‍ය මහාචාර්ය චන්න ජයසුමන මහතා ප්‍රකාශ කර සිටියේ එය අසත්‍ය සහ සාවද්‍ය ප්‍රකාශයක් බවයි. විපක්ෂය මෙවැනි චෝදනා නගන්නේ ඔවුන්ගේ ඊර්ෂ්‍යාව හේතුවෙන් බවත් මේ සම්බන්ධයෙන් චීන තානාපති කාර්‍යාලයද ට්විටර් පණිවිඩයක් නිකුත් කර ඇති බවත් ඒ මහතා පවසනවා.
මෙරටට ඩොලර් 15ක මුදලකට එන්නත ලැබුණද චීනය තුල මෙම එන්නතේ මුල ඩොලර් 29ක් පමණ වන බවත් ආජන්ටිනාව ලබාගෙන ඇත්තේ ඩොලර් 40කට බවත් ශ්‍රී ලංකාවටලැබී ඇති මිල අන් සියළුම රටවල් වලට සාපේක්ෂව අඩු බවත් ඒ මහතා අවධාරණය කර සිටිනවා
සබැඳි ලිපි..
