පරිසර සංහාරය නවත්වන ලෙස ළමා එකමුතු කිහිපයක් විසින් අඳින ලද මියුරල් චිත්රය පොලීසිය විසින් ඉවත්කිරීමට කටයුතු කිරීම පිළිබදව මේ වන විට දැඩි කතාබහකට ලක්ව තිබෙනවා.
කෙසේ වෙතත් අදාල මියුරල් චිත්රය ප්රදර්ශනය කිරීමට හා ඊට සමගාමීව අද (19) පස්වරුවේ පරිසරය රැකගැනීම පිළිබදව දැනුවත් කිරීමේ වැඩසටහනක් පැවැත්වීමට කොළඹ විහාරමහාදේවී උද්යානයේ කොටසක් ලබාදෙන ලෙස Wildlife and Nature Protection Society of Sri Lanka සංවිධානය කොළඹ නගර සභාවෙන් පසුගිය මාර්තු 10 වනදා ඉල්ලීමක් කර තිබෙනවා.
එම ඉල්ලීමට කොළඹ මහ නගර සභාවේ නගරාධිපතිනි රෝසි සේනානායක මහත්මිය අනුමැතිය ලබාදී තිබෙන පරිසරයක අදාල මියුරල් චිත්රය ඉවත් කිරීමට පොලීසිය කටයුතු කර තිබීම විශේෂත්වයක්.
ඩේලි මිරර් වෙබ් අඩවිය වාර්තා කරන්නේ ජනාධිපති කාර්යාලය විසින් නිකුත් කරන ලද උපදෙස් අනුව එම මියුරල් චිත්රය ඉවත් කර තිබෙන බවයි.