ආගමන විගමන දෙපාර්තමේන්තුවට විදේශ ගමන් බලපත්රයක් ලබාගැනීමට පැමිණි පුද්ගලයකු තමාගේ හිතවතෙකු බවට සාවද්ය ලෙස පවසා ගමන් බලපත්රයක් ලබා ගැනීමට උත්සාහ දැරූ පොලිස් කොස්තාපල්වරයෙකුගේ වැඩ තහනමට ලක් කිරීමට පියවර ගත් බව පොලිස් මූලස්ථානය පවසනවා.
එලෙස වැඩ තහනමට ලක් කර ඇත්තේ, නාරහේන්පිට පොලිස් ස්ථානයට අනුයුක්ත සුහුරුපාය පොලිස් මුරපොලේ රාජකාරී යොදවා සිටි කොස්තාපල්වරයෙක්.
කොස්තාපල්වරයා සුහුරුපාය පොලිස් මුරපොලේ රාජකාරිය යොඳවා සිටියදී ඉකුත් 19 වැනිදා එම ස්ථානයෙන් බැහැරව විදේශ ගමන් බලපත්රයක් ලබාගැනීමට පැමිණි බලංගොඩ ප්රදේශයේ පදිංචි පුද්ගලයෙකු සමඟ ආගමන විගමන දෙපාර්තමේන්තුවේ හදිසි අවස්ථාව විදේශ ගමන් බලපත්ර ලබාදීමේ නිර්දේශ මණ්ඩලය වෙත එම පුද්ගලයා ඉදිරිපත් කර විදේශ ගමන් බලපත්රය ලබා ගැනීමට උත්සාහ කර ඇතැයි පොලිස් විමර්ශනවලදී අනාවරණය වී තිබෙනවා.
එම විෂමාචාර ක්රියාව හේතුවෙන් කොළඹ දකුණ ජ්යෙෂ්ඨ පොලිස් අධිකාරීවරයා විසින් එම කොස්තාපල්වරයාගේ වැඩ තහනමට ලක් කර තිබෙනවා.
