ගෝඨාභය ජනාධිපතිවරයා ප්‍රමුඛව පොහොට්ටු ආණ්ඩුව විසින් ශ්‍රී ලංකාව අලුත් දුප්පත්කමක් වෙත තල්ලු කළ බවත් ඒ තුළින් ඉහළ තලයේ සිටි ජනතාව පවා පහලට කඩාවැටුණු බවත් විපක්ෂ නායක සජිත් ප්‍රේමදාස පවසනවා.
ඒ, සමගි ජනබලවේගයේ මීරිගම ආසන බලමණ්ඩලය අමතමින්.
මේ අසීමිත පීඩනය දරා ගත නොහැකිව රටේ ජනතාව වීදියට පැමිණි බවත්, එය හිංසාවාදී අරගලයක් වූ නමුත් ඊට රාජපක්ෂවරුන් ප්‍රතිචාර දැක්වූයේ හිංසනයෙන් බවත් විපක්ෂ නායකතුවරයා පෙන්වා දෙනවා.
රටට අලුත් විකල්පයක් අවශ්‍ය බවත්, එය සම්ප්‍රදායෙන් බැහැර වුණු රටට නව වැඩපිළිවෙළක්, අලුත් මාවතක් කියාදෙන විකල්පයක් විය යුතු බවත් පවසන ඔහු වර්තමාන ජනාධිපතිවරයා පොහොට්ටුවේ සිරකරුවෙක් බවට පත්ව ඇති බවත් පවසනවා.
එමෙන්ම, අද ඇමැතිවරුන් සහ රාජ්‍ය ඇමැතිවරුන් පත් කිරීමට නම් ලැයිස්තු එවන්නේ කපුටා බවත් එක්සත් ජාතික පක්ෂයේ නොමඟ ගිය සියලු දෙනාට ඉදිරියේදී කපුටාගෙන් තනතුරු ගැනීමට සිදුවන බවත් සජිත් ප්‍රේමදාස අවධාරණය කරනවා.
