තමන්ගේ නිවස ඉදිරිපිට කෑ ගසමින් විරෝධතාවන් සිදු නොකරන ලෙසට නව කෘෂිකර්ම රාජ්ය අමාත්ය ශාන්ත බණ්ඩාර මහතා ජනතාවගෙන් ඉල්ලා සිටිනවා.
එලෙස කෑ ගසා උද්ඝෝෂණය කරන විට තමන්ගේ කුඩා දියණිය බිය වන බවත් එවිට ඇයට ආහාර ගැනීමට පවා නොහැකි බවත් ශාන්ත බණ්ඩාර මහතා ඊයේ (16) ප්රවෘත්ති සාකච්ඡාවක් පවත්වමින් සදහන් කළා.
දියණීය ආහාර නොගත් නිසා මාධ්ය ඉදිරියේ ශාන්ත බණ්ඩාර මහතා හඩා වැටෙන ආකාරයද දක්නට ලැබුණා.
හැඩූ කඳුලින් ශාන්ත බණ්ඩාර මහතා සදහන් කළේ තමන් ආණ්ඩුවට එක්වීමට මුදල් ලබාගත් බවට චෝදනා කරමින් ශ්රී ලංකා නිදහසක් පක්ෂයේ පිරිසක් තම චරිතය ඝාතනය කරන බවයි.
ශාන්ත බණ්ඩාර මහතා කෘෂිකර්ම රාජ්ය අමාත්ය ධූරය ලබාගැනීමෙන් අනතුරුව ඊට එරෙහිවූ ප්රදේශවාසීන් පිරිසක් බණ්ඩාර මහතාගේ මහරච්චිමුල්ලේ පිහිටි නිවස වටලා දැඩි විරෝධයක් පලකළා.