open AI සමාගම, අමෙරිකානු බුද්ධිමය හිමිකම් නීතිය උල්ලංඝණය කර ඇති බවට චෝදනා එල්ල කළ පර්යේෂකයෙකු වන සුචිර් බලාජීගේ මරණය, සියදිවි හානිකර ගැනීමක් බව, අනාවරණය වී තිබෙනවා.
පසුගිය නොවැම්බර් 26 වැනිදා අමෙරිකාවේ සැන්ෆ්රැන්සිස්කෝ නුවර මහල් නිවාස සංකීර්ණයේ තිබියදී, ඔහුගේ මළ සිරුර සොයා ගැනුණා.
open AI සමාගමේ පර්යේෂකයෙකු ලෙස වසර 4ක් කටයුතු කළ ඉන්දීය සම්භවයක් සහිත අමෙරිකානුවෙකු වන සුචීර් මිය යන විට 26 වැනි වියේ පසු වුණා.
Chat – GPT නිර්මාණය කිරීමේදී open AI සමාගම, අමෙරිකානු බුද්ධිමය හිමිකම් නීතිය උල්ලංඝණය කර ඇති බවට මීට මාස තුනකට පෙර ඔහු ආන්දෝලනාත්මක අනාවරණයක් සිදු කර තිබුණා.
ඒ, දත්ත එක් රැස් කිරීම සඳහා අනුගමනය කරන ක්රමවේදයන් සම්බන්ධයෙන් open AI සමාගම මෑත කාලීනව විවිධ නෛතික ගැටලුවලට මුහුණ පා ඇති පසුබිමකයි.
