රූපවාහිනී සංස්ථාව තුළ සිදුවන වංචා හා දූෂණ සම්බන්ධයෙන් කළකිරුණු එම සංස්ථාවේ අධ්‍යක්ෂ ජනරාල් ජයම්පති බණ්ඩාර හීන්කෙන්ද මහතා එම ධූරයෙන් ඉල්ලා අස්වී තිබෙනවා.
පසුගිය කාලය පුරාවටම එම සංස්ථාව තුළ සිදුවන අනීතික ක්‍රියාවන් සම්බන්ධයෙන් හීන්කෙන්ද මහතා සිය විරෝධය පලකර තිබුණා.
රූපවාහිනී සංස්ථාවේ ඇතැම් සේවකයින් උදෑසන රැකියාවට පැමිණ ඇඟිලි සලකුණ තබා ආයතනයෙන් පිටව යන අතර පසුව ඔවුන් පැමිණෙන්නේ යළිත් සේවය අවසන් කිරීමට සවස ඇඟිලි සලකුණ තැබීමට බවයි වාර්තා වන්නේ.
රාජකාරී කාලය තුළ සිය පෞද්ගලික කටයුතු සිදුකරගැනීමට එම සේවකයින් කටයුතු කරන බවත් ඒ් සම්බන්ධයෙන් අධ්‍යක්ෂ ජනරාල්වරයා විරෝධය පලකර බවත් සංස්ථාවේ අභ්‍යන්තර ආරංචි මාර්ග සදහන් කරනවා.
අධ්‍යක්ෂ ජනරාල්වරයාගේ මෙම ක්‍රියාකලාපයට එරෙහිව ඔහුට කාන්තාවන් සමඟ විවිධ සම්බන්ධකම් ඇතැයි රාවයන් ප්‍රචාරය කරමින් ඔහුව දිගින් දිගටම අපහසුතාවයට පත්කිරීමට ඇතැම් බලධාරීන්ද කටයුතු කර ඇති බවට News19 වෙත වාර්තා වුණා.
මෙම තත්ත්වය පාලනය කර විධිමත් පරීක්ෂණයක් සිදුකරන ලෙස ඉල්ලා රූපවාහිනී සංස්ථාවේ අධ්‍යක්ෂ ජනරාල් ජයම්පති බණ්ඩාර හීන්කෙන්ද මහතා සති දෙකක කාලයකට එම තනතුරින් ඉල්ලා අස්වී තිබෙනවා.
