හලාවතදී හොර පාරෙන් එන්නත්කරණ මධ්යස්ථානයකට ගෙනවිත් තම දියණියට ෆයිසර් එන්නත ලබාදුන් වෛද්යවරයෙකු හා එයට සහය දුන් පවුල් සෞඛ්ය සේවිකාව වහාම ක්රියාත්මක වන පරිදි පුත්තලම මූලික රෝහලේ කොරෝනා ප්රතිකාර ඒකකයට මාරුකර යවා තිබෙනවා.
12 හැවිරිදි මෙම දැරිය පුත්තලම – හලාවත – කොක්කාවිල ප්රාථමික විදුහලේ එන්නත් මධ්යස්ථානය වෙත පාසලේ පසුපස ඇති කම්බි වැටෙන් පන්නාගෙන එන ආකාරය News19 මීට පෙර වාර්තා කළා.
එලෙස නීතිවිරෝධී ලෙස ඇය පවුලේ සාමාජිකයන් සමඟ එන විට එහි සිටි පොලිස් නිලධාරියෙක් ඔවුන්ට බාධා කළා.
එහිදී එම ස්ථානයේ සිටි පවුල් සෞඛ්ය සේවිකාවක සඳහන් කළේ ඇය වෛද්යවරයෙකුගේ දියණියක් බවත්, ඇයට එන්නත ලබාදීම ගැන වෛද්යවරයා සම්පූර්ණ වගකීම ගන්නා බවත්ය.
කෙසේ වෙතත් අදාළ සිදුවීම සම්බන්ධයෙන් විශේෂ විමර්ශනයක් සිදුකරන බව පුත්තලම ප්රාදේශීය සෞඛ්ය සේවා අධ්යක්ෂිකා වෛද්ය දිනූෂා ප්රනාන්දු මහත්මිය පවසනවා.
මේ වන විට සිදුකරන ලද විමර්ශනයේදී අදාළ වෛද්යවරයාගේ දියණියව ආරක්ෂක අංශ විසින් එම ස්ථානයෙන් ඉවත්කිරීමට කටයුතු කළද පෙර කී පවුල් සෞඛ්ය සේවිකාව ඇයව නැවතත් කැඳවාගෙනවිත් එන්නත ලබාදෙන ආකාරය එම එන්නත් මධ්යස්ථානයේ ආරක්ෂිත කැමරා දර්ශනවල සටහන්ව තිබූ බව ප්රදේශීය සෞඛ්ය සේවා අධ්යක්ෂිකාව පවසනවා.
ඒ සම්බන්ධයෙන් අදාළ වෛද්යවරයාගෙන් සිදුකල ප්රශ්න කිරීමේදී ඔහු සමාව ඉල්ලා සිටි බවත් මෙම විමර්ශනයේදී හෙළිවන කරුණු අනුව අදාළ වෛද්යවරයාට සහ පවුල් සෞඛ්ය සේවිකාවට එරෙහි ව වැඩිදුර ක්රියාමාර්ග ගන්නා බවත් වෛද්ය දිනූෂා ප්රනාන්දු මහත්මිය පවසනවා.