29 C
Colombo
Sunday, June 26, 2022

බීමත් ඇමති ගිණි අවියක් අතැතිව තවත් බන්ධනාගාරයකට කඩා වැද යකා නටයි

- Advertisement -

පසුගිය 12 වනදා වැලිකඩ බන්ධනාගාරය වෙත බීමතින් පැමිණ කලහාකාරී ලෙස හැසිරුණු ප්‍රභල රාජ්‍ය අමාත්‍යවරයා එදිනම අනුරාධපුර බන්ධනාගාරයට ද ගොස් ප්‍රචණ්ඩ අයුරින් කටයුතු කර ඇති බව වාර්තා වේ.

මෙහිදී ගිනිඅවියක් ද අතැතිව ආරක්ෂකයින් පිරිවරා කොට කලිසමකින් සැරසී බන්ධනාගාරයට ඇතුළුවූ ඔහු අධික ලෙස බීමතින් සිටි බවයි පැවසෙන්නේ

එහිදී LTTE සැකකරුවන් රඳවා ඇති වාට්ටුව වෙත ගිය ඔහු එහි රඳවා සිටින සැකකරුවන් 08දෙනා අතුරින් සැකකරුවන් දෙදෙනෙකු පිටතට ගෙන දණගස්වා ඔවුන්ගේ හිසට ගිනිඅවියක් තබා තර්ජනය කර ඇති බවත් වාර්තා වේ.

ශ්‍රී ලංකාව මානව හිමිකම් අර්බුදයකට මුහුණ දෙමින් සිටින අවස්ථාවක රජයේ අමාත්‍යවරයෙකුගේ මෙම හැසිරීම රටම ජාත්‍යන්තරය ඉදිරියේ අපහසුතාවයට පත් කරන්නක් බව විද්වත් මතයයි.

මේ අතර, එම රාජ්‍ය අමාත්‍යවරයා එදින වැලිකඩ බන්ධනාගාරයට ඇතුළු වී ඇත්තේ විවාහක රූ රැජිනක් සහ තවත් දෙදෙනෙකු සමග බවත් එහිදී ඔහු අදාළ පිරිස සමග ‘එල්ලුම්ගස’ ඇති ස්ථානය අසලට ගොස් තිබේ.

එම අවස්ථාවේදී අධික බීමතින් සිටි රාජ්‍ය අමාත්‍යවරයා දෙවතාවක් තම ගිනි අවියද සමග බිම වැටී ඇත.

කෙසේ වෙතත් මෙම සිදුවීම පිළිබදව බන්ධනාගාර මාධ්‍ය ප්‍රකාශක බන්ධනාගාර කොමසාරිස් චන්දන ඒකනායක මහතාගෙන් විමසා ඇතත් ඔහු මේ පිළිබදව කිසිවක් නොදන්නා බව පවසා ඇති අතර පසුව මේ සම්බන්ධයෙන් අදහස් දක්වමින් බන්ධනාගාර කොමසාරිස් ජනරාල් තුෂාර උපුල්දෙණිය මහතා පවසා සිටියේ අදාළ දිනයේදී විෂය භාර රාජ්‍ය අමාත්‍යවරයා තම කාර්යමණ්ඩලයේ පිරිසක් සමග වැලිකඩ බන්ධනාගාරයට පැමිණ සිරකරුවන් සමග ඔවුන්ගේ සමාවන් සම්බන්ධයෙන් සාකච්ඡා කළ බවත් විෂයභාර ඇමතිවරයාට ඕනෑම අවස්ථාවක සිරකරුවන් හමුවී සාකච්ඡා කිරීමට කිසිඳු බාධාවක් නොමැති බවත් ය.

කෙසේ නමුත්, අදාල සිදුවීම සිදුවූ බවට ද්‍රවිඩ ජාතික ජනතා පෙරමුණ සහතික කරන බවට අකිල ඉලංකෙයි තමිල් කොංග්‍රස් ජාතික ලැයිස්තු පාර්ලිමේන්තු මන්ත්‍රී ජී. ජී. පොන්නම්බලම් මහතා පවසනවා.

එමෙන්ම, අදාල රාජ්‍ය අමාත්‍යවරයාව තනතුරෙන් බැහැර කර ඔහුව වහාම අත් අඩංගුවට ගන්න ලෙස TNA පක්ෂය රජයෙන් ඉල්ලා සිටිනවා.


RECENT ARTICLES - SINHALA

විදුලිය විසන්ධි කරන කාලය ඉහළට

මේ වන විට පැය 2 යි විනාඩි 30 ක් ව පවත්නා විදුලි කප්පාදු කාලය පැය 3 ක් දක්වා ඉහළ දැමීමට මහජන උපයෝගීතා...

සියලු ඉන්ධන මිල ගණන් අහස උසට වැඩිකරයි

ලංකා ඛනිජ තෙල් නීතිගත සංස්ථාව සහ අයි.ඕ.සී සමාගම අද (26) අලුයම 02 සිට ක්‍රියාත්මක වන පරිදි සියලුම වර්ගවල ඉන්ධන මිල ඉහළ නංවා...

මාධ්‍ය ක්‍රියාකාරිකයන්ට පොලිසිය කරන බලපෑම් සම්බන්ධව මාධ්‍ය නීති සංසදයෙන් පොලිස්පතිට ලිපියක්

ශ්‍රී ලංකා පොලිසිය විසින් සමාජ සහ නව මාධ්‍ය ඔස්සේ භාෂණයේ සහ ප්‍රකාශනයේ නිදහස ක්‍රියාවට නංවමින් සිය කටයුතු පවත්වාගෙන යන මාධ්‍ය ක්‍රියාකාරිකයන් හේතු...

RECENT ARTICLES - ENGLISH

Requests for assistance to develop dairy industry

0
A bilateral meeting took place between Minister of Foreign Affairs Prof. G.L. Peiris and Minister for Foreign Affairs and Local Government of...

35 people detained for illegal migration attempt to Australia

0
Sri Lanka Navy apprehended a local multiday fishing trawler with 35 individuals, suspected to be on an illegal migration attempt to Australia...

Public sector to work in Private sector?

0
Sri Lanka has appointed a seven member committee to explore the possibility of granting 5 years leave to Government employees to work...