විදුලි බල මණ්ඩල ඒකාබද්ධ වෘත්තීය සමිති සන්ධානය දැවැන්ත වැඩ වර්ජනයක් දියත් කිරීමට සූදානමෙන් සිටින බවට වාර්තා වෙනවා.
මෙරට සම්පත් විදේශයන්ට විකිණීම සම්බන්ධයෙන් රජයේ තීරණ වෙනස් නොවන්නේ නම් එම වර්ජනය ක්රියාත්මක කිරීමට සූදානම් බවයි ඔවුන් පවසන්නේ.
වරාය, ඛනිජ තෙල් මෙන්ම විදුලිබල මණ්ඩලය වැනි ප්රධාන ක්ෂේත්ර වැඩ වර්ජන ක්රියාමාර්ගයට යොමුවුවහොත් රජයට විශාල අර්බුදයකට මුහුණදීමට සිදුවන බවයි ඔවුන් අවධාරණය කරන්නේ.
කෙසේ නමුත්, වැඩ වර්ජනය අවසන් ක්රියාමාර්ගය වන බැවින් වෘත්තීය සමිති එතැනට තල්ලු නොකරන ලෙස රජයට දැනුම් දෙන බවයි ඔවුන් සඳහන් කර සිටින්නේ.