28 C
Colombo
Friday, July 19, 2024

මූලික වැටුපට වතු හිමියන් එකඟ වෙලා

- Advertisement -

වතු කම්කරුවන් සඳහා ගෙවීමට යෝජිත දෛනික වැටුප හා ඵලදායීතාව මත ගෙවීමට නියමිත දිරි දීමනාව වතු කම්කරුවන්ට ලබා දීමට ඊයේ (10) දිනයේ රැස් වූ වතු සමාගම් 09ක් එකඟ වූ බව කම්කරු හා විදේශ රැකියා අමාත්‍ය මනූෂ නානායක්කාර මහතා පවසනවා.

මෙම මාසයේ සිට එම මුදල වැටුප් ලෙස වතු කම්කරුවන්ට ගෙවීමට අදාළ වතු සමාගම් අමාත්‍යවරයාට එකඟතාව පළ කර තිබෙන බව පැවසෙනවා.

අමාත්‍ය මනූෂ නානායක්කාර මහතා හා වතු සමාගම් අතර ඊයේ එම අමාත්‍යාංශයේ පැවැති සාකච්ඡාවකදී මෙම එකඟතාවයට එළඹ තිබුණා.

වතු කම්කරුවන්ගේ වැටුප රුපියල් දහසේ සිට වැඩි කිරීමට පසුගියදා රජය තීරණය කළ අතර මේ වසරේ මැයි පළවැනිදා ඒ සම්බන්ධ ගැසට් නිවේදනය නිකුත් කළා.

එහෙත් එයට එරෙහිව වතු සමාගම් අධිකරණ ක්‍රියාමාර්ගයකට එළැඹී තිබූ අතර අධිකරණය විසින්ද මේ සම්බන්ධව එකඟතාවයකට පැමිණ කටයුතු කරන ලෙස දැනුම් දී තිබුණා.

ඒ අනුව දෙපාර්ශ්වය අතර ඊයේ දිනයේ ඇති වූ මෙම එකඟතාවය මෙරට වතු කම්කරුවන් ලැබූ විශාල ජයග්‍රහණයක් බව අමාත්‍යවරයා සඳහන් කළා.

මේ සම්බන්ධව වැඩිදුරටත් අදහස් දැක්වු අමාත්‍ය මනූෂ නානායක්කාර මහතා,

මේ මොහොතේ වතු කම්කරුවන්ගේ වැටුප් ගෙවීමට නොහැකියාවක් පවතින සමාගම් තිබෙන්නේ නම් විශේෂයෙන් ඔවුන්ගේ කාර්යක්ෂමතාවය පිළිබඳ ගැටලුවක් පවතින නිසා එවැනි වතු සමාගම්වලට මෙයට පෙර කැබිනට් මණ්ඩලය ගත් තීන්දු අනුව පත් කරන ලද කමිටු තීරණ අනුව අලුතින් සකස් කරන ලද නීතිරීති හරහා ඔවුන්ගේ බදු ගිවිසුම් පත්‍ර අවලංගු කර දැනට වැටුප් ගෙවීමට හැකියාවක් පවතින කාර්යක්ෂමව පවත්වාගෙන යන වතු සඳහා ඔවුන්ගේ ආයෝජන අවස්ථා වැඩි දියුණු කර ගැනීමටත් එම වතුවල දීර්ඝ කාලීන ආයෝජනයන් සිදුකිරීමටත් තීරණය කෙරුණා. දැනට තිබෙන කෙටි කාලීන බදු ගිවිසුම් කාලය දීර්ඝ කර ඉදිරියට තව දුරටත් දීර්ඝකාලීන බදු ගිවිසුම් සඳහා ඔවුන් සමග එකඟව කටයුතු කිරීමට අවශ්‍ය කරන නීතිරීති සකස් කිරීමට පසුගිය කැබිනට් මණ්ඩලය ගත් තීන්දුව අනුව තවදුරටත් එය කඩිනම් කිරීමට කැබිනට් මණ්ඩලයේදී තීරණය කෙරුණා.සේවකයන්ට සරිලන වැටුප් ගෙවීමට නොහැකි වතු සමාගම් සිටී නම් ඔවුන්ගේ බදු ගිවිසුම් අවලංගු කිරීමටත් එමෙන්ම නිවැරදි ආකාරයෙන් ගෙවන වතු සමාගම් සිටී නම් එම සමාගම්වල බදු ගිවිසුම් කාලය වඩා දීර්ඝ කාලයක් සඳහා ගිවිසුම් ගත වීම සඳහාත් ඒ පිළිබඳව සොයාබැලීම සඳහා පත්කරන ලද කමිටුවේ නීති වහා ක්‍රියාත්මක කිරීමටත් කැබිනට් මණ්ඩලය තීන්දුවක් ගත්තා. දැනට වැටුප් වැඩි කිරීම සඳහා අමාත්‍යාංශය මගින් නිකුත් කරන ලද ගැසට් නිවේදන, නෛතික කරුණු සම්බන්ධව විමසීමක් කර ඒ සඳහා ගත යුතු ඉදිරි ක්‍රියාමාර්ග ගන්නා බව මෙහිදී කැබිනට් මණ්ඩලයට දැනුම් දුන්නා.


RECENT ARTICLES - SINHALA

ලංකාවේ කුකුළුමස් චීනයට යවන්න අවසර

මෙරට නිෂ්පාදනය කෙරෙන කුකුළු මස් හා බිත්තර මෙන්ම අන්නාසි චීනයට අපනයනය සඳහා දීර්ඝ කාලයක් තිස්සේ පැවැති බාධක චීන රජය විසින්  ඉවත් කර තිබෙනවා. කෘෂිකර්ම හා...

මෙරට උපාධිධාරීන්ට ජපානයේ රැකියා

ජපානයේ විදුලි සැපයුම් ක්ෂේත්‍රය වැඩිදියුණු කිරීමේ අරමුණින් එරට පෞද්ගලික අංශයේ පවතින රැකියා අවස්ථා සඳහා තාක්ෂණ ක්ෂේත්‍රයේ ලාංකික උපාධිධාරීන් බඳවා ගැනීමට කැමැත්තෙන් පසුවන බව ජපානය...

ජවිපෙන් අකුරැස්සට කෝටි 17ක රෝහලක්

2005 වසරේ සිට ජනතා විමුක්ති පෙරමුණ විසින් බලය හිමි සීමාසහිත අකුරැස්ස විවිධ සේවා අකුරැස්ස සමුපකාර සමිතිය විසින් රුපියල් කෝටි 17ක වියදමින් මහල් 05ක රෝහලක්...

POPULAR ARTICLES

සඳුදා යළිත් පාසැල් වැසෙන ලකුණු

සති දෙකක් අකුරට වැඩ කිරීමේ වෘත්තීය සමිති ක්‍රියාමාර්ගයක් අරඹන බව ගුරු - විදුහල්පති වෘත්තීය සමිති සන්ධානය පවසනවා. ඒ අනුව, ඔවුන් සඳහන් කළේ ලබන සඳුදා (22)...

මුද්‍රිත විදුලි බිල්පත අනිවාර්යයි

පාරිභෝගිකයන් ඉල්ලා සිටින විට මුද්‍රිත විදුලි බිල්පතක් නිකුත් කිරීම අනිවාර්ය බව ශ්‍රී ලංකා මහජන උපයෝගීතා කොමිෂන් සභාව පවසනවා. නව විදුලි ගාස්තු සංශෝධනයත් සමග ශ්‍රී ලංකා...

මහින්ද රාජපක්ෂ මිස වෙන ගොනෙක් නෙවෙයි – සනත් නිශාන්තගේ බිරිඳ(වීඩියෝ)

රටේ තිබු යුද්ධය නැති කළ නායකයා මහින්ද රාජපක්ෂ මිස වෙන ගොනෙක් නොවන බව සනත් නිශාන්ත මහතාගේ බිරිඳ චමරි ප්‍රියංකා මහත්මිය පවසනවා. ඇය මේබව කියා සිටියේ...