රජය මගින් ආනයනය කෙරෙන පළමු සහල් තොගය ඊයේ (16) රාත්‍රියේ මෙරටට රැගෙනවිත් තිබෙනවා.
රට තුළ මතු වූ සහල් අර්බුදයට කඩිනම් විසඳුමක් ලෙස රජය මෙම පියවර ගනු ලැබුවා.
සතොස සහ රාජ්‍ය වාණිජ විවිධ නීතිගත සංස්ථාව මගින් සහල් තොග ආනයනය කිරීමටයි අවසර හිමිවී තිබුණා.
ඒ අනුව සහල් මෙට්‍රික් ටොන් 70000ක් මෙරටට රැගෙන ඒමට නියමිතයි.
පෞද්ගලික ආනයනකරුවන් මගින් ද සහල් ආනයනය කිරීමට මේ වන විටත් පියවර ගෙන තිබෙනවා.
මේ අතර, පාලන මිල ඉක්මවා සහල් අලෙවි කරන්නන් සොයා වැටලීම් දිවයින පුරා ක්‍රියත්මකයි.
පාරිභෝගික අධිකාරිය මඟින් එම වැටලීම් සිදු කරනවා.
