තමා අමාත්‍යාංශයට ගොස් සිදු කළ පළමු කාර්යය වූයේ අමාත්‍යවරයාට වෙන් කොට තිබූ “ලොකු පුටුව”ඉවත් කිරීම බව කෘෂිකර්ම, වාරිමාර්ග, පශු සම්පත් අමාත්‍ය කේ.ඩි. ලාල් කාන්ත මහතා පවසනවා.
ඔහු සඳහන් කළේ අපගේ පරිපාලනය සැකසී ඇත්තේ අනෙක් අය යටත් කරගන්නා “සර්” යනුවෙන් අමතන, රටාවකින් බවයි.
ඒ පුරුදු එක්වරම වෙනස් කිරීමට යෑම වඩාත් අවුල් සහගත තත්වයක් නිර්මාණය කරනු ඇති බවත් වගකීම්වලින් හැර මනුෂ්‍යත්වයෙන් කිසිවෙකු වෙනස් නොවන බවත් ලාල් කාන්ත අමාත්‍යවරයා පවසා සිටියා.
“මම ඉස්සරහා ඉන්න කෙනා මට සමාන කෙනෙක් මිස මට වඩා යටින් ඉන්න කෙනෙක් නෙමෙයි.. සංස්කෘතික ප්‍රශ්නයක් තියෙනවා අපේ සමාජයේ, ඒක හදලා තියෙන්නේ එක් කෙනෙක් තව කෙනෙක්ව යටත් කරගන්න…අපි ඉන්නේ පරිවර්තනීය යුගයක, ඒකෙ ලක්ෂණයක් තමයි පරන නරකත් ඒකෙ තියෙනවා, NPP පාලනය යටතේත් තියෙනවා රාජ්‍ය සේවයේත් තියෙනවා…ඔය ගැටුමෙන් පරණ නරක ජයගත්තොත් රට ඉවරයි.. අලුත් හොඳ දේ ජයගත්තොත් රට දිනුම්”
