මෙම සතියේ සිට තෝරා ගත් පෞද්ගලික සහ රාජ්ය අංශයේ ආයතනවලට ලබාදෙන ඉන්ධන ප්රමාණය වැඩි කිරීමට පියවර ගනිමින් සිටින බව විදුලිබල හා බලශක්ති අමාත්ය කංචන විජේසේකර පවසනවා.
ට්විටර් පණිවුඩයක් නිකුත් කරමින් ඔහු සඳහන් කළේ, විදේශීය සංචාරකයින් ඉන්ධන අවසරපත්රයක් හඳුන්වාදීම සහ වාහන නොවන කාණ්ඩයටද අදාළ ඉන්ධන ලබාදීමේ කෝටාව හඳුන්වාදීමට එළඹෙන සතියේ කටයුතු කරන බවයි.
මේ අතර, ලබන 15 වනදායින් පසුව පවතින තිරිගු පිටි හිඟය අවසන් වනු ඇතැයි විශ්වාස කරන බව අත්යවශ්ය ආහාර ද්රව්ය ආනයනකරුවන්ගේ සංගමයේ සභාපති නිහාල් සෙනෙවිරත්න පවසනවා.
තුර්කියේ සිට තිරිගු පිටි ආනයනය කරන නමුත් තිරිගු පිටි කිලෝග්රෑමයක මිල රුපියල් 450 දක්වා ඉහළ ගියහොත් ග්රෑම් 450හේ පාන් ගෙඩියක මිල රුපියල් 350 දක්වා ඉහළ දැමීමට සිදුවන බවත් ආපනශාලා හිමියන් පවසනවා.
මෙම තත්වය වළක්වා ගැනීම සඳහා රජය කඩිනම් පියවර නොගන්නේ නම්, තමන් මෙන්ම පාරිභෝගිකයන්ද දැඩි අසීරුතාවට පත්වන බවයි ඔවුන් පෙන්වා දෙන්නේ.