කෙරවලපිටිය යුග දනවි විදුලි බලාගාරයේ 40% ක කොටස් ඇමරිකානු සමාගමකට විකිණීමේ ගිවිසුම වළක්වා ගැනීමට නොහැකි වූයේ තමන් ඇතුළු කුඩා පක්ෂවලට ආණ්ඩුව තුළ ප්‍රමාණවත් බලයක් නොමැති නිසා බව ජලසම්පාදන අමාත්‍ය වාසුදේව නානායක්කාර මහතා පවසනවා.
ඒ, ඊයේ (26) දින රූපවාහිනී වැඩසටහනක් සමඟ සම්බන්ධ වෙමින්.
අදාල ගිවිසුම අත්සන් කිරීමේදී කැබිනට් මණ්ඩලයට එහි අන්තර්ගතය නොදන්වා අත්සන් කළ බවත් තමන් එම ගිවිසුම දැක නොමැති බවත් ඔහු පවසනවා.
එමෙන්ම, මෙම ගිවිසුමට විරුද්ධව රජයේ හවුල්කාර පක්ෂ මතුකරන කරුණු නොසලකා හැර ඇති බවත් එබැවින් ඊට එරෙහිව ජනමතයක් නිර්මාණය කිරීමට බලාපොරොත්තු වන බවත් ඔහු පවසනවා.
“එක්තරා වෙලාවක වතුර උණුවෙලා උතුරන වෙලාවත් එනවා”, යැයි රජයේ හවුල්කාර පක්ෂ වල අදහස් නොසලකා හරිමින් ගිවිසුම් වලට එලැඹීම සම්බන්ධව අදහස් දක්වමින් ඔහු පවසා .
