ගුරුවරුන් ආරම්භ කර තිබෙන ඔන්ලයින් අධ්යාපනය ලබා දීම වර්ජනය කිරීමේ වෘත්තීය සමිති ක්රියාමාර්ගය තවදුරටත් ක්රියාත්මක බව ලංකා ගුරු සේවා සංගමයේ ලේකම් ජෝසප් ස්ටාලින් මහතා පවසනවා.
ඔන්ලයින්වලින් ඉවත්වීමේ සටන නතර කරන්නේ සිය ගැටලු විසඳීම සඳහා වන සාධනීය පියවරක් ආණ්ඩුව පාර්ශ්වයෙන් ලැබුණොත් පමණක් බවයි ඔහු පවසන්නේ.
ඔහු මේ බව සඳහන් කළේ නිරෝධයනයෙන් මුදාහැරීමෙන් අනතුරුව වෘත්තීය සමිති,ශිෂ්ය සහ සිවිල් ක්රියාකාරිකයින් විසින් අද (17) කොළඹදී කැඳවා තිබුණු මාධ්ය හමුවේදීයි.
60%කට පමණ දරුවන්ට ඔන්ලයින් අධ්යාපනය නොලැබෙන බව පෙන්වා දෙන ඒ මහතා එබැවින් ගුරුවරු තමන්ගේ අතින් වියදම් කරගෙන සිදුකරන ඉගැන්වීම් වල නිසි ප්රතිඵලයක් නොලැබෙන බවත් පවසනවා.
දරුවන්ට අධ්යාපනය ලබා දීමට රජයට හෝ අධ්යාපන අමාත්යාංශයට කිසිදු වැඩපිළිවෙලක් නොමැති බවයි ඔහු අවධාරණය කරන්නේ.
මේ අතර, කොතලාවල ජාතික ආරක්ෂක විශ්වවිද්යාල පනත් කෙටුම්පතට විරෝධය පළ කරමින් ජාතික ජනබලවේගය අද කොළඹදී විරෝධතාවක් සංවිධානය කර තිබුණි.
කොළඔ කොටුව දුම්රියපොළ ඉදිරිපිටදී එම විරෝධතාවය පැවැත්වුණි.