පාස්කු ප්රහාරය සිදුවී වසර දෙකක් ගතවන තුරුම පැවති රජය මෙන්ම වත්මන් රජයද ඊට වගකිව යුත්තන් නීතිය ඉදිරියට ගෙන ඒමට අපොහොසත් වීම කණගාටුවට කරුණක් බවට කොළඹ අගරදගුරු අතිඋතුම් මැල්කම් කාදිනල් රංජිත් උතුමාණන් පවසනවා.
“පාස්කු ප්රහාරයේ වින්දිතයින් අනුස්මරණය” සඳහා කොළඹ කොච්චිකඩේ ශාන්ත අන්තෝනි දේවස්ථානයේ පැවති වැඩසටහනකට සහභාගී වෙමින් උන්වහන්සේ මෙම අදහස් පලකළා.
රටේ අනෙකුත් අපරාධ සම්බන්දයෙන් කෙරෙන පරීක්ෂණ දැඩි කාර්යක්ෂමතාවයකින් සිදු කෙරුණද පාස්කු ප්රහාරය සම්බන්දයෙන් එවැනි පරීක්ෂණ සිදු නොකර උදාසිනව, ලිස්සා යන සුළු ආකාරයෙන් ආණ්ඩුව කටයුතු කරමින් සිටින බවද උන්වහන්සේ පවසා සිටියා.
එමෙන්ම පාස්කු ප්රහාරයට යුක්තිය ඉටුකර ගැනීමට මුස්ලිම් ජාතිකයන් දක්වන උදාසීනත්වය පිළිබදවද කාදිනල් උතුමාණන් මෙහිදී විවේචනය කළා.
උන් වහන්සේ සඳහන් කළේ කොවිඩ් සමයේ මුස්ලිම් ජාතිකයන්ගේ අයිතිවාසිකම් කඩවීමේදී ඒ වෙනුවෙන් හඩ නැගීමට දැක්වූ උනන්දුව පාස්කු ප්රහාරය සම්බන්දයෙන් වන යුක්තිය ක්රියාත්මක කර ගැනීමට ඔවුන් නොදැක්වූ බවයි.
ඊට අදාළ දර්ශන පහතින්,