මහව සිට අනුරාධපුරය දක්වා නවීකරණය කරන ලද නව දුම්රිය මාර්ගයේ දුම්රිය ධාවන කටයුතු ජනාධිපතිවරණය ඉලක්ක කරගනිමින් අද (12) ආරම්භ කිරීමට සූදානම් කර තිබුනද එය අවලංගු කිරීමට දුම්රිය බලධාරීන් පියවර ගෙන තිබුණා.
මෙම නව දුම්රිය මාර්ගයේ අඹන්පොල ගැටදිවුල ප්‍රදේශයේ ඉදිවන වන අලි උමං මාර්ගයේ ඉදිකිරීම් කටයුතුද නිසි පරිදි නිමකර නොමැති අතර මහව අනුරාධපුර අතර දුම්රිය ස්ථාන හතෙන් හයක ප්‍රතිසංස්කරණ කටයුතු පවා නිසිලෙස නිමකොට නොමැති බව සඳහන් වනවා.
මේ වනවිට තඹුත්තේගම දුම්රිය ස්ථානයේ ඉදිකිරිම් පමණක් නිම කර තිබෙන නමුත් විදුලි සංඥා පද්ධතිය ද නිසිපරිදි නිමකර නැහැ.
එසේ අඩුපාඩු රැසක් තිබිය දී මැතිවරණය ඉලක්ක කර ගනිමින් දුම්රිය ධාවන කටයුතු අද (12) දින ආරම්භ කිරීමටත් එයට සාපේක්ෂව උත්සවය අනුරාධපුරයේ දී පැවැත්වීමටත් සුදානම් කර තිබු බවයි පැවසෙන්නේ.
මෙහිදී වන අලි උමං මාර්ගය අසලින් දේශපාලඥයින්ට බැසීම සඳහා තාවකාලික වේදිකාවක් පවා ඉදිකිරීමට අවශ්‍ය සැරසිලි කටයුතු සිදු කිරිමට ද සැලසුම්කර තිබු බවට වාර්තා වනවා
