ජනාධිපති අනුර කුමාර දිසානායක මහතා යටතේ රටේ ආර්ථික සුරක්ෂිතභාවය මෙන්ම ස්ථාවරභාවයත්, ඵලදායී වර්ධනයක් අත් කර ගනු ඇති බවට ජාත්‍යන්තර මූල්‍ය අරමුදල විශ්වාසය පළ කරනවා.
ජනාධිපති අනුර කුමාර දිසානායක මහතා වෙත සුබපතා ලිපියක් යොමුකරමින් ජාත්‍යන්තර මූල්‍ය අරමුදලේ කළමනාකරණ අධ්‍යක්ෂිකා, ක්‍රිස්ටලිනා ජෝර්ජියේවා මහත්මිය මේ බව පවසනවා.
ජාත්‍යන්තර මූල්‍ය අරමුදල වසර ගණනාවක් පුරා මෙරට ආර්ථිකය සම්බන්ධයෙන් අනුගමනය කරන ලද ක්‍රියාමාර්ග සහ එකඟතා අඛණ්ඩව පවත්වාගෙන යාමේ වැදගත්කමද අදාල නිවේදනයෙන් වැඩිදුරටත් අවධාරණය කරනවා.
දැනට ක්‍රියාත්මක ජාත්‍යන්තර මූල්‍ය අරමුදලේ වැඩසටහන් යටතේ සංවර්ධන සහ ප්‍රතිසංස්කරණාත්මක ක්‍රියාදාමයන් අඛන්ඩව ඉදිරියට යනු ඇති බවට ද අදාළ ලිපියෙන් විස්වාසය පළ කර තිබෙනවා.
අදාළ ලිපියේ දැක්වෙන්නේ එමගින් ශ්‍රී ලංකාව මුහුණ දී ඇති ආර්ථිකයේ අර්බුදකාරී තත්වයෙන් මිදී මූල්‍ය ඒකාග්‍රතාවය ඇති කර ගනු ඇති බවයි.
