සෞඛ්‍ය අමාත්‍ය රමේෂ් පතිරණ මහතාගේ ලිපි ශීර්ෂය නිල වශයෙන් භාවිත කරමින්,අපේක්ෂකයෙකුගේ ප්‍රචාරණ රැස්වීමක් සඳහා කැඳවීම මැතිවරණ නීතියට අනුකූලදැයි වහා සොයා බලන ලෙස සෞඛ්‍ය වෘත්තීයවේදීන්ගේ විද්වත් සංගමයේ සභාපති රවී කුමුදේශ් මහතා පවසනවා.
ලිපියක් යොමු කරමින් රවී කුමුදේශ් මහතා සඳහන් කළේ ජනාධිපති අපේක්ෂකයෙකුගේ හෙට(12) හවස පැවැත්වෙන ප්‍රචාරණ රැස්වීමක් සඳහා මෙම කැඳවීම සිදු කර තිබෙන බවයි.
සෞඛ්‍ය අමාත්‍යාවරයා ලෙස නිල බලය පාවිච්චි කරමින්, නිල වගකීම් ඇති නිලධාරීන් ජනාධිපති අපේක්ෂකයකු සහභාගි වන රැස්වීමකට සහභාගී කරවීම මැතිවරණ නීති වලට අනුකූලද යන්න රවී කුමුදේශ් මහතා ලිපියක් යොමු කරමින් විමසා සිටිනවා.
සෞඛ්‍ය ප්‍රතිසංස්කරණ පිළිබඳව විමසන සැබෑ රැස්වීමක් නම්, එය වෛද්‍ය ප්‍රජාව සමග පමණක් සාකච්ඡා කිරීමට සෞඛ්‍ය අමාත්‍යාංශය තීරණය කරන්නේ කෙසේද යන්න විමසන කුමුදේශ් මහතා පසුගිය වසර දෙකකට වඩා වැඩි කාලයක් සෞඛ්‍ය ප්‍රතිසංස්කරණ ගැන පැවසිමට ඉල්ලු එකම අවස්ථාවක් හෝ ලබා නොදුන් බව පෙන්වා දෙනවා.
එලෙස එකම අවස්ථාවක් හෝ ලබා නොදුන් සෞඛ්‍යා අමාත්‍යවරයා මෙලෙස එකවර ප්‍රතිසංස්කරණ පිළිබඳව කතා කිරීමේ උවමනාවක් පැමිණ තිබෙන බව අදාළ ලිපියෙන් සඳහන්.
සෞඛ්‍ය ප්‍රතිසංස්කරණ ගැන සෞඛ්‍යා අමාත්‍යවරයාට සෞඛ්‍ය අමාත්‍යාංශයේදී විමසිමට නොහැකි ඇයි දැයි එහිදී කුමුදු දේශ් මහතා වැඩිදුරටත් විමසා සිටිනවා.
